YOHANES 2:4 - Alkitab Singog In Mongondow Masa In Tanaa

⁴ Ki Yesus in notubag, “Iná, donaaipa mokiaid in onu bo onu kon i-Nakó, sin deemanpa wakutunea Akuoi mopoontong intua.”

YOHANES 2:4 Referans Kwoze

YOHANES 7:6

“Deemanpabí wakutu-Ku,” guman i Yesus kon i monia, “Táe aka kon i monimu, motaaubí in pomuḷoi mako.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 8:20

Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

YOHANES 12:23

Ki Yesus in noguman kon i monia, “Wakutuneadon Adí Intau pomuliaan.

MOHOHUTUBA 3:1

Bayongan in yagi-yagi kon dunia naa nobaḻí kon wakutu inta ain sinantú i Allah.

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

YOHANES 20:15

Ki Yesus noḻibó kon inia, “Iná, nongonu sin mongombaḷ? Ki ine in tayakon i Iná?” Sinangka i Maria kon Sia tua in moḷoḷukadbí kon taman tatua, dá sia in noguman, “Amá, aka ki Amá in nomamping kon i-Nia nongkon naa, yo tuḷungaipa poguman kon inakó mongo kon onda in pinotagúan i Amá kon i-Nia, sinbá motaauku bayáan gamáan in Sia.”

YOHANES 20:13

Malaekat mita tatua in noḻibó, “Iná, nongonu sin mongombaḷ?” Ki Maria in noguman, “Ki Tuhanku in ginamádon in intau, bo diá doman kinotaauanku mongo pinobayá monia in onda.”

LUKAS 2:49

Táe ki Yesus notubag, “Nongonu sin ki amá bo ki iná in motayakbí kon i-Nakó? Eta degá diábí kinotaauan i amá bo i iná kon Akuoi in mustibí oyúon kon bonu in Baḷoi i Amá-Ku?”

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

YOHANES 2:3

Bo naonda in kinodaitan in anggur, ki iná-Nea in noguman kon i Yesus, “Mosia in kinodaitan in anggur.”

YOHANES 7:8

Bayádon tontaní in moiko kon poramean tatua. Akuoi in diápabí mayá, sin deemanpabí wakutu-Ku.”