YOHANES 2:18 - Alkitab Singog In Mongondow Masa In Tanaa

¹⁸ Tongá itoi mita in Yahudi moḷawang kon i-Nia, mosia in noguman kon i Yesus, “Onu in motaau poontong-Mu kon inami saḷaku tanda kon oyúon in hak-Mu in mogaid kon ná tanaa.”

YOHANES 2:18 Referans Kwoze

YOHANES 6:30

Dá kai monia doman, “Aka natua, onu in tanda poontong i Pak Guru kon inami, sinbá kami in mokoontong bo mopirisaya kon i Pak Guru? Onu in aidan i Pak Guru?

OUMAN IN RASUL MITA 5:28

Kainia, “Aindon ilarang totok nami in moiko sinbá diádon mayá bo mopotaa-taau mako in tangoi intau tatua. Táe tanaa indoiaika, onu in inaidan monimu! Moiko in minaya-mayábí doman mako bo nopohabar in soaḷ intau tatua kon bayongan butá in Yerusalem bo moguman doman kon kamibí naa in nokopopisí kon kinopatoian-Nea.”

OUMAN IN RASUL MITA 4:7

Ki Petrus bo ki Yohanes in dinia kon tayowon sidang tatua bo mulai pinoḻibo-ḻibóan kon rupa-rupa, kai monia, “Naonda in pinongongundam monimu kon intau inta ḻempeng tatua? Ropot bo kawasa i ine in pinogaid monimu kon tua?”

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

LUKAS 11:29

Kon yuak in intau mobayong tatua ki Yesus nogingguput kon sirita-Nea, nanaa, “Moraat totok intau masa in tanaa. Mosia mopoigum bá Akuoi in mogaid kon inta mokoherang sinbá mopirisaya in mosia. Táe mosia in diábí ogoian in tobatúmai, koḻikudbí in tanda kon i Nabi Yunus.

MARKUS 8:11

Tongonumai intau in Parisi namangoi kon i Yesus bo nomangkoidon nosi-soaḷan-Nea sin potayakan monia kon taḷá-Nea. Mosia in nopoigum sinbá ki Yesus mogaid kon soaḷ inta mokoherang kon intau saḷaku tanda kon Sia tua in totuu nongkon i Allah.

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

IḶUAIAN 7:9

“Aka datu mopoigum kon i monimu mogaid kon ki inta mokoherang mobaḻí bukti, yo potabádon ki Harun mogamá kon tungkudnea bo mopogarab in tungkud tatua kon butá kon tayowon i datu. Tungkud tatua in mobaḷuibí mobaḻí uḷag.”

DATU MITA IMITÁNEA 13:3

Guman i nabi noiduduimai, “Mezbah tanaa in morumbunbí, bo ḷobud inta kon tudunea in moitabud. Tua in poniataan kon akuoi in pinotabábí i Tuhan.”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”