YOHANES 2:12 - Alkitab Singog In Mongondow Masa In Tanaa

¹² Nopaḷut mako kon tua ki Yesus minayá in Kapernaum noyotakin i iná-Nea, i utat-Nea bo in murí-Nea mita. Mosia in nogutunpa kon tua tongonupamai degá nosinggai.

YOHANES 2:12 Referans Kwoze

MATIUS 12:46

Wakutu in ki Yesus koyogotpa moyosingog takin intau moantó tatua, ki iná bo ki utat-Nea mita ain sinimindog kon ḷuai bo moḷongasi mokipodungkuḷ kon i-Nia.

GALATIA 1:19

Tongá akuoi in diábí noyodungkuḷ in rasul mita ibanea koḻikudbí in ki Yakobus, ki utat i Tuhan Yesus.

KORINTUS 1 9:5

Eta degá diá motaau in akuoi in modia kon i buḷoiku inta mopirisaya kon i Kristus saḷaku takinku kon baya-bayáan mako, ná inta inaidan i utat mita i Tuhan Yesus bo in rasul mita ibanea ná tai Petrus?

MARKUS 6:3

Deemanbí Sia naa inta ki Adí i bas bo i Maria, bo ki utatnea in ki Yakobus, ki Yoses, ki Yudas bo ki Simon? Oo, sedang bo ki utat-Nea mita bobay nogutun doman kon naa.” Tuamai diá sinarima monia in Sia.

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

YOHANES 6:17

Bo mosia in sinumakoi kon uangga bo minayá in Kapernaum. Nodoḷomdon, táe ki Yesus in diápa doman namangoi kon i monia.

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”

YOHANES 2:2

Ki Yesus bo murí-Nea mita in inoiní doman kon pesta tatua.

YOHANES 4:46

Noiduduimai kon tua ki Yesus in buidon minayá in Kana inta kon Galilea, kotá inta pernadon pinomiaan-Nea kon inta mokoherang, “Tubig nobaḻí anggur.” Kon kotá tatua oyúon in tobatú pogawai kon komaḻig, dodai intua ki adínea in notakit kon Kapernaum.