YOHANES 19:30 - Alkitab Singog In Mongondow Masa In Tanaa

³⁰ Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

YOHANES 19:30 Referans Kwoze

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

PILIPI 2:8

Sia in diábí motosiḷantud, bo nobiag motoindudui kon i Allah dapot in minatoi minatoi kon kayu pinoyotaḻempang.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

LUKAS 23:46

Bo ki Yesus in nomaḷú noropot totok, kai-Nia, “Amá! Kon bonu in kawasa-Mu, posarakan-Kudon in nyawa-Ku.” Nosingog mako natua in Sia minatoidon.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

SURAT I PAULUS KON JAMAAT RUM 10:4

Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

MARKUS 15:37

Onda intua nomaḷú in ki Yesus bodongka minatoi.

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 27:50

Ki Yesus in nomaḷú bui noḷangon bodongka noposarakan in nyawa-Nea.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

IBRANI 9:22

Aka podudui kon hukum in agama Yahudi, yo gogió bayongan in yagi-yagi daritanbí in dugú, bo dosa mita in motaau ampungan táe musti dugúon.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

KORINTUS 1 5:7

Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubí kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻí domba in Paska naton aindon pinokuruban.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”