YOHANES 19:29 - Alkitab Singog In Mongondow Masa In Tanaa

²⁹ Kon tua oyúon in palo inta nopuḻing in anggur boil. Dá mosia in nogamá kon gabus bo pinoḷodok kon bonu in anggur boil tatua, bodongka pinopoturak kon buḷú topongkó bo pinopodiug kon bibig i Yesus.

YOHANES 19:29 Referans Kwoze

PINOGIAPAN 19:18

Kon soaḷ inta muna, inta aka oyúon in intau inta minatoi kon bonu in ḷoḷaigan, dá intau inta diá nonajis musti mogamá kon totanga mointok in hisop, bo poḷodoknea intua kon bonu in tubig tatua, bodongka pisikannea in ḷoḷaigan tatua bo bayongan yagi-yagi inta kon bonunea, ná doman tua in intau mita inta kon tua. Kon soaḷ inta nogindua, inta aka intau tobatú koḻiaian in mayat, pinoḷobongan andeka tuḷan in intau minatoi, yo intau inta diá nonajis musti momisik doman natua kon intau inta nonajis tatua.

LUKAS 23:36

Tontara mita in namangoi doman bo moporupa-rupamai kon i-Nia. Inogoian monia in anggur noboil in Sia, poḷat noguman,

MARKUS 15:36

Dá tobatú intau kon sigad monia tua iḻimikat minayá nogamá kon gabus bo pinoḷodok kon anggur boil. Gabus tatua pinoturaknea kon kayu topongkó, bo sinonggó pinodiug kon bibig i Yesus, poḷat noguman, “Oḷatdon mongo moiangoi in ki Elia bo mopoponag kon i-Nia kon kayu pinoyotaḻempang tatua.”

MATIUS 27:48

Bo namangoi in tobatú nongkon i monia tua, bo nogamá kon bungang karang bo pinoḷodok kon anggur boil bo pinopoturak kon aog bo pinopodiug kon bibig i Yesus.

IḶUAIAN 12:22

Pogamádon kon hisop tobogot, poḷodok kon bonu in tano-tanó inta binonuan in dugú in domba tatua, bodongka popoḻepo kon oigi in ḷoḻingkop doyowa bo kon ḻimonik in ḷoḻingkop in baḷoimu. Modapot in doḷo-doḷom dika tobatúmai kon sigad monimu i monaḷámai kon baḷoi.

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

MATIUS 27:34

Kon tua Sia pinoinum monia in anggur inta binaukan in ompodu. Naonda in kinonanaman-Nea, doídon in Sia nonginum.

DATU MITA IMITÁNEA 4:33

Sia in mokosanggupbí in mosingog soaḷ pangkoi mita in kayu bo pinomuḷa mita – nongkon pangkoi in ḷokuyú in Libanon nodapot kon bonok hisop inta nobiag kon dinding mita in batu. Sia in nongonguman doman kon soaḷ bobiagon kon toba bo bobiagon ḷumoḷayug, bobiagon ḷumandai bo toyá.

MATIUS 27:50

Ki Yesus in nomaḷú bui noḷangon bodongka noposarakan in nyawa-Nea.