YOHANES 19:28 - Alkitab Singog In Mongondow Masa In Tanaa

²⁸ Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

YOHANES 19:28 Referans Kwoze

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

YOHANES 19:24

Dá tontara mita tatua in noyosingog, “Donaaidon poyopongkóon in jubah tanaa. Koḻigai bá morabut kon lot in kita, tayakon mongo ki ine in mokouḻí.” Soaḷ tatua in nobaḻí sinbá motompodon onu inta ain pinais kon bonu in Buk Motusi, nanaa: “Mosia in mosilai kon pakeang-Ku, bo norabut kon lot sin motayak kon jubah-Ku.” Bo totuu natuabí in pinomia in tontara mita tatua.

LUKAS 18:31

Ki Yesus in nogoiní kon murí-Nea mopuḷú bodoyowá, bo noguman nanaa, “Indongogai! Tanaa mako kita in mopobayádon in Yerusalem, bo bayongan inta ain pinais in nabi mita soaḷ Adí Intau in intompodandon kon tua.

YOHANES 18:4

Kinotaauanbí i Yesus in bayongan inta mobaḻí kon i-Nia. Dá Sia in dinimiug kon intau mita tatua bo noḻibó, “Motayak kon i ine in moiko?”

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

OUMAN IN RASUL MITA 13:29

Bo naonda in nopaḷutdon inaidan monia in bayongan inta ain noipais kon bonu in Buk Motusi soaḷ Sia, pinopoponagdon monia in mayat-Nea nongkon kayu pinoyotaḻempang bodongka iḷobong.

LUKAS 12:50

Oyúonpa in roriga moḷoben in musti kobayáan-Ku. Moajarbí totok in gina-Ku aka tua komintan bo diápa kobayáan-Ku.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

YOHANES 19:36

Tua in nobaḻí sinbá mobaḻídon onu inta pinais kon bonu in Buk Motusi, “Diábí tobatúmai in tuḷannea putoḷon.”