YOHANES 19:27 - Alkitab Singog In Mongondow Masa In Tanaa

²⁷ Noguman mako natua in ki Yesus kon i iná-Nea, Sia in noguman doman kon murí-Nea tatua, “Tua in ki inámu.” Bo kon dodaipa doman tatua dinia in murí tatua in ki iná i Yesus nogutun tobaḷoiannea.

YOHANES 19:27 Referans Kwoze

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

KINOBAḺIAN 45:8

Dá sabanarnea in deemanbí moiko in nokopopisí kon inakó noiangoi in naa, táe ki Allahbí. Binaḻídon i Allah in akuoi pogawai i datu inta kon ḻimonik in bayongan pogawainea kon Mesir naa. Akuoi ain inogoian in kawasa kon bayongan komaḻignea bo bayongan butá in Mesir.

MARKUS 3:34

Onda intua ki Yesus nobobui magí-mako kon i monia inta iḻimitú kon ḻibu-Neamai bo noguman, “Naabí in ki iná bo ki utat-Ku mita!

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

KINOBAḺIAN 47:12

Bo ki Yusup noposadia in onu in paraḷu kaanon i amá, i utat bo bayongan ginaḷum motoḷuadínea, nodapot kon inta adípa mita.

LUKAS 18:28

Dá ki Petrus in noguman, “Pak Guru, indoiaika in kami! Kami naa aindon nonaḷámai kon bayongan yagi-yagi kapunyaan nami bo dinumudui kon i Pak Guru, yo onu in mouḻí nami.”

OUMAN IN RASUL MITA 21:6

Bo noguman mako kon mayádon, kami in sinumakoidon kon kapaḷ bo mosia in nobuidon kon baḷoi monia.