YOHANES 19:14 - Alkitab Singog In Mongondow Masa In Tanaa

¹⁴ Wakutu intua singgaidon pinobasadiaan kon poramean Paska, degá jam mopuḷúdon bo doyowa. Ki Pilatus nogumandon kon intau mita tatua, “Naa in datumu!”

YOHANES 19:14 Referans Kwoze

MATIUS 27:62

Nopoikoḷomai kon singgai, singgai in Sabat, imang mita itoi bo intau mita in Parisi noyotakin minayá kon i Pilatus,

YOHANES 19:5

Bo ki Yesus in iḷumuai takin nogijubah nopars. Ki Pilatus in noguman kon i monia, “Indoiaika in Intau tatua.”

YOHANES 19:42

Lantaran poḷoḷobongan tatua in nodiug, apa doman singgai in Sabat motoyongdon pangkoion, dá iḷobongdon monia kon tua in ki Yesus.

MARKUS 15:25

Jam insiowneadon doḷo-doḷom in pinopopakúan monia kon i Yesus kon kayu pinoyotaḻempang dodai intua.

YOHANES 19:3

bo mopobui-buimai mamangoi kon i Yesus bo moguman, “Mobiag datu intau Yahudi!” Onda intua mosia monokap kon pogot-Nea.

LUKAS 23:54

Singgai tua, singgai in Jumaat; singgai Sabat in diádon moonggot.

MARKUS 15:42

Noungkoḷomdon in singgai kon dodai in ki Yusup nongkon Arimatea noiangoi. Ki Yusup naa in tobatú anggota in Mahkama Agama inta ihoromatmai in intau. Sia naa inta mogoḷatmai kon wakutu ki Allah mamangoi momarenta saḷaku Datu. Singgai intua singgaidon Pobasadiaan (tuata in singgaidon inta mopoikoḷom kon singgai in Sabat). Tuamai in ki Yusup nokopobarani in minayá in tayowon i Pilatus bo noigum kon mayat i Yesus.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

LUKAS 23:44

Degá jamdon mopuḷú bodoyowá noutu in singgai, mata in singgai diádon nonindar, bo bayongan in ḻipu kon tua sinimindipdon dapot in jam intoḷunea ḷoḷabungnea.