YOHANES 18:36 - Alkitab Singog In Mongondow Masa In Tanaa

³⁶ Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

YOHANES 18:36 Referans Kwoze

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

YOHANES 6:15

Kinotaauan i Yesus kon mosia in mamangoi sin momakisa kon i-Nia mobaḻí Datu monia. Tuamai in Sia minayádon kon daerah inta notombuḷud.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

MATIUS 26:53

Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

LUKAS 12:14

Táe ki Yesus noguman kon inia, “Utat, ki ine in nopobaḻí kon i-Nakó hakim andeka mononigad kon i monimu mosilai kon kapunyaan inta sinaḷaan in guyanga monimu kon i monimu?”

YOHANES 8:15

Moiko in mohakim kon intau podudui in cara intau, Akuoi in diábí mohakim kon tobatúmai intau.

YOHANES 18:35

Ki Pilatus in notubag, “Degá akuoi naa intau Yahudi? Mosia inta nodia kon ini-Mu pinoangoi kon inakó in intaubí mita tobangusa-Mu bo imang mita itoi. Yo onu degá in inaidan-Mu?”