YOHANES 18:28 - Alkitab Singog In Mongondow Masa In Tanaa

²⁸ Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 18:28 Referans Kwoze

YOHANES 19:9

Dá sia in sinumuot bui kon komaḻig bo naonda in ki Yesus dinia pinotuot, ki Pilatus in noḻibó kon i-Nia, “Nongkon ondabí in Iko nion?” Táe diá sinubagan i Yesus.

YOHANES 18:33

Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”

YOHANES 19:14

Wakutu intua singgaidon pinobasadiaan kon poramean Paska, degá jam mopuḷúdon bo doyowa. Ki Pilatus nogumandon kon intau mita tatua, “Naa in datumu!”

MATIUS 27:27

Onda intua tontara mita i gubernur nodia kon i Yesus pinobayá in baḷoi pongadilan, bo bayongan in tontara noyosipun kon ḻibumai i Yesus.

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.

YOHANES 11:55

Wakutu intua motoyongdon Singgai in Paska intau Yahudi. Nobayongdon intau nongkon ḻipu-ḻipúannea in minayádon in Yerusalem sin mopobayá in adat pondaritan kon awak kon wakutu in diápa singgai porayaan tatua.

OUMAN IN RASUL MITA 11:3

Kai monia, “Iko aindon sinumuot kon baḷoi mita in intau inta diá sinunat? Bo nongaan domandon takin monia!”

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

YOHANES 18:39

Táe nobaḻídon kabiasaan kon i monimu, akuoi in umuran momuḻi kon tobatú intau inta pinonjara aka kon Singgai Moḷoben Paska. Dá degá moibog in moiko bá pobebaskudon kon i monimu in datu intau Yahudi tanaa?”

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

ULANGAN 16:2

Bayádon kon tampat inta piniḻí i Tuhan kon porataan kon tobatú bembé domba ande sapi mobaḻí sosumba Paska sin mohoromat kon i Tuhan Allahmu.

LUKAS 22:66

Bo naonda in doḷom-doḷomdon, nosipundon in guhanga mita in ḻipu intau Yahudi, imang mita itoi bo mototundú mita kon agama, bo nodia kon i Yesus pinotayow kon sidang agama.

MARKUS 15:16

Ki Yesus dinia in tontara mita kon baḷoi pongadilan kon komaḻig i gubernur. Onda intua tontara mita inoiní noyosipun.

YEHEZKIEL 45:21

Kon singgai impuḷú bo opat kon buḷan imitánea, moiko in mustibí morame kon Bobutungan in Paska. Pitu nosinggai in koonggotnea bayongan in intau in musti mokaan kon roti diá iragian.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

MAZMUR 35:16

Mosia in umuranbí mopoḷoḻeke kon intau ḻempeng, bo mobobui kon inakó takin yaat in gina.

YOHANES 18:13

Muna in dinia monia in Sia kon i Hanas, sin ki Hanas naa in kinunuton i Kayapas. Ki Kayapas naa in imang moḷoben kon taong tatua.

YOHANES 18:15

Ki Simon Petrus takin tobatú murí ibanea in dinumudui kon i Yesus. Murí i Yesus tobatú tatua kinotaauan i imang moḷoben, dá sia sinumuot noyotakin i Yesus kon palas i imang moḷoben,

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

OUMAN IN RASUL MITA 10:32

Dá potabádon intau mayá in Yope mogoiní kon intau inta tangoinea in ki Simon Petrus. Sia in nogutun kon baḷoi i Simon inta mororubus kon kuḻit. Tua kon pintad in baḷoinea.’