YOHANES 18:17 - Alkitab Singog In Mongondow Masa In Tanaa

¹⁷ Bobantung bobay inta noḷukad kon ḷoḻingkop tatua noguman kon i Petrus, “Ei, iko doman in tobatú murí in intau tatua ma?” “Deeman,” tubag i Petrus.

YOHANES 18:17 Referans Kwoze

YOHANES 21:15

Nopaḷut mako mosia nongaan, ki Yesus in noguman kon i Simon Petrus, “Simon, adí i Yohanes, degá tabimu in moḷobe-ḷoben nongkon tabi monia kon i-Nakó?” “Totuu, Tuhan,” tubag i Petrus, “Kinotaauanbí i Tuhan kon akuoi in motabibí kon i Tuhan.” Ki Yesus in noguman kon inia, “Ḷukadaidon in ki adí mita in domba-Ku.”

YOHANES 18:25

Ki Simon Petrus in sinimindogpa doman mako bo nonayang kon tua. Intau mita kon tua in noguman kon inia, “Iko doman in murí in Intau tatua ma?” Táe ki Petrus nomayow, “Deeman!”

YOHANES 18:16

táe ki Petrus in tongábí kon ḷuai kon ngara mogoḷat mako. Onda intua murí tobatú tatua in iḷumuai bo noyosingog takin bobantung bobay inta noḷukad kon ḷoḻingkop, onda intua dinianeadon sinumuot in ki Petrus.

LUKAS 22:54

Ki Yesus in dinomok monia bo dinia pinobayá in baḷoi i imang moḷoben. Ki Petrus in dumuduianmai kon i monia, táe nongkon moyayú.

MATIUS 26:33

Ki Petrus in notubag kon i-Nia, “Umpakabí pirisaya monia kon ini-Mu mobaḷui, táe pirisayaku kon i Tuhan in diábí mobaḷu-baḷui!”

OUMAN IN RASUL MITA 12:13

Noiyaputmai kon tua, sia in nonangkokó kon ḷoḻingkop, dá inangoi bo inindoian in tobatú bobantung bobay inta ki Rode in tangoinea. Munapabí sinarapnea mongo ki ine in nonangkokó tatua.

YOHANES 18:8

Tubag i Yesus, “Ain pinoguman-Ku kon Akuoibí inta sinayak monimu. Bo aka Akuoibí in tayakon monimu, dá pomayádon mako in ibanea nion mayá.” (

YOHANES 18:5

Mosia in noguman, “Ki Yesus Intau in Nazaret.” Tubag i Yesus, “Akuoibí naa inta sinayak monimu.” Ki Yudas inta nomaḻidawan in sinimindog doman noyotakin monia.