YOHANES 17:26 - Alkitab Singog In Mongondow Masa In Tanaa

²⁶ Pinotaau-Ku bidon kon i monia in tangoi i Amá bo umuran-Kubí popotaau intua, sinbá tabi i Amá kon i-Nakó umuran mako kon gina-gina mako monia bo Akuoi in motobatú i monia.”

YOHANES 17:26 Referans Kwoze

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 17:6

Pinotaau-Kudon in ki Amá kon bayongan in intau kon dunia naa inta ain inogoi i Amá kon i-Nakó. Ki Amábí in kitogi kon i monia tua, bo ki Amábí doman in nobogoi kon monia tua kon i-Nakó. Mosia in dinumuduidon kon singog i Amá.

YOHANES 15:9

Ná ki Amá ain notabi kon i-Nakó, natua doman Akuoi ain notabi kon i monimu. Dá umurandon kobiag in moiko saḷaku intau inta kinotabi-Ku.

IBRANI 2:12

Ki Yesus in noguman kon i Allah, “Popotaau-Kubí kon i utat-Ku mita in tangoi-Mu. Dayowon-Ku in Iko kon poyodungkuḷan monia.”

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 14:20

Aka wakutuneadon, dá kotaauan bidon monimu kon Akuoi in notobatúbí takin i Amá, moiko in notobatú takin-Ku, bo Akuoi in notobatú takin i monimu.

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

YOHANES 15:4

Umuranbí potobatú-Ku bo Akuoi umuranbí doman motobatú takin i monimu. Tanga in diábí momungai tontaní aka diá in sia moidapoḷpa mako kon pangkoinea. Natua doman in moiko, momungai aka umuran motobatú takin-Ku.

EPESUS 5:32

Modaḷombí totok mangaḻe in tontagá tanaa, makusudnea in hubungan i Kristus bo jamaat.

EPESUS 5:30

Kinotaauanbí naton intua, sin kita in anggota mita in awak i Kristus.)

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 8:50

Akuoi in diábí motayak kon kahoromatan-Ku tontaní. Oyúonbí in mobogoi in kahoromatan kon i-Nakó. Sia tuata inta mohakim.

YOHANES 1 3:24

Bayongan in intau inta motoindudui kon parenta mita i Allah, nobiag notobatú takin i Allah, bo ki Allah in notobatú doman takin i monia. Bo kinotaauan bidon naton kon ki Allah in nobiag bidon notobatú takin i naton, sin Sia in nobogoidon in Roho-Nea kon i naton.

TESALONIKA 2 2:16

Poigumon mako ki Yesus Kristus Tuhan naton bo ki Allah ki Amá naton in umuran mopoonow bo moginrigon kon gina monimu, sinbá motaau in moiko mogaid bo mopohabar kon onu inta mopia. Motabibí in ki Allah kon i naton, bo lantaran Sia in mopia dá pinomia-Nea in kita umuran mosabar bo moharap mako kon inta mopia.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

KORINTUS 1 12:12

Ki Kristus tua in ná bí onda bo awak in intau; awak naa in tongábí tobatú, táe nobarong in anggotanea. Táe umpakabí nobarong in anggota in awak tua, táe tongoawakanbí monag.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

SURAT I PAULUS KON JAMAAT RUM 8:10

Aka ki Kristus bo nobiagdon kon bonu in gina monimu, dá umpakabí awakmu matoi popisí in dosa, táe Roho i Allah mobogoibí in kobiagan kon inimu, sin hubunganmu takin i Allah in notompiadon.

YOHANES 6:56

Intau inta mokaan kon awak-Ku bo monginum kon dugú-Ku, umuranbí in Sia motobatú takin-Ku, bo Akuoi i motobatúnea doman.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.