YOHANES 16:32 - Alkitab Singog In Mongondow Masa In Tanaa

³² Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 16:32 Referans Kwoze

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

YOHANES 8:29

Bo Sia inta nopotabá kon i-Nakó koyota-yotakin-Kubí, diábí dodai onda in pinomayá-Nea mako in Akuoi tontaní, sin Akuoi in umuranbí mogaid kon onu inta mokosanang kon gina-Nea.”

YOHANES 8:16

Táe aka Akuoi bo mohakim kon intau, yo onu inta sinantú-Ku tua in moadilbí, sin Akuoi in deemanbí tongá Aku-Akuoi mita, Akuoi in noyotakinbí i Amá-Ku inta nopotabá kon i-Nakó.

MARKUS 14:27

Noiduduimai kon tua, ki Yesus noguman kon i monia, “Moiko komintan naa in moḷaguibí monaḷámai kon i-Nakó. Sin kon bonu in Buk Motusi ain pinais, ‘Ḻimodon i Allah in gombalanea bo paanan domba moirangkap in moḷagui.’

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

YOHANES 20:10

Nopaḷut mako kon tua murí mita i Yesus tatua in nobui.

YOHANES 16:25

“Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YOHANES 4:23

Táe moiangoibí in wakutunea, sedang bo noiangoi bidon, takin in kawasa in Roho i Allah intau mita in mosumba kon i Amá inta mobanar ná inta kinoibog i Amá.

YOHANES 4:21

Ki Yesus in noguman kon inia: “Popirisayadon, komintanmai intau in mosumba kon i Amá, deeman bidon kon tombuḷud tanaa bo deemanbí doman kon Yerusalem.

YOHANES 12:23

Ki Yesus in noguman kon i monia, “Wakutuneadon Adí Intau pomuliaan.

YOHANES 5:28

Dika moherang moiko in mokodongog kon soaḷ tanaa, sin moiangoibí i wakutunea kon intau inta ain minatoi in mokodongogbí kon singog-Nea,

YOHANES 5:25

Pirisayadon: Moiangoibí in wakutunea, sedang bo noiangoi bidon, kon intau minatoi in mokodongogbí kon singog i Adí Allah. Bo intau inta mokodongog in mobiagbí.

MARKUS 14:50

Murí-Nea mita in noroḷagui nonaḷámai kon i-Nia.

OUMAN IN RASUL MITA 8:1

Bo nopia doman gina i Saulus kon pinoḻimodan kon i Stepanus tua. Kon singgaipa doman tatua jamaat kon Yerusalem totokdon in aḷo-aḷowan mako monia bo pogutúon sahingga in bayongan intau inta mopirisaya koḻikud in rasul mita, komintan nongoibaya-bayá mako kon bayongan ḻipú kon Yudea bo kon Samaria.

YOHANES 16:31

Dá ki Yesus in noḻibó: “Dá mopirisayadon moiko in tanaa?

YOHANES 19:27

Noguman mako natua in ki Yesus kon i iná-Nea, Sia in noguman doman kon murí-Nea tatua, “Tua in ki inámu.” Bo kon dodaipa doman tatua dinia in murí tatua in ki iná i Yesus nogutun tobaḷoiannea.

OUMAN IN RASUL MITA 21:6

Bo noguman mako kon mayádon, kami in sinumakoidon kon kapaḷ bo mosia in nobuidon kon baḷoi monia.