YOHANES 15:20 - Alkitab Singog In Mongondow Masa In Tanaa

²⁰ Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

YOHANES 15:20 Referans Kwoze

TIMOTIUS 2 3:12

Memang bayongan in intau inta moibog mosumba kon i Allah bo inta motobatú i Kristus Yesus in mustibí pogutúon.

YOHANES 13:16

Totuubí in tosingogon-Ku naa: Tobatú ata in diábí moiḻiu kon i tuangnea, bo totabá in diábí moiḻiu kon inta nopotabá kon inia.

MATIUS 10:24

Diábí in murí moiḻiu kon gurunea, andeka simpaḷ moiḻiu kon i tuangnea.

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

KORINTUS 2 4:9

Umpakabí kami pinogutú, táe diápabí dodai onda in sinaḷáan tongádon kami tontaní. Bo umpakabí umuran monia bongkugon nodapot in pomobak kon butá, táe diápabí doman minatoi in kami.

KORINTUS 1 4:12

táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami;

YOHANES 8:51

Naa in poguman-Ku kon i monimu, inta dumudui kon singog-Ku, sia in diá bidon kawasaan in popatoi.”

LUKAS 6:40

Murí in diábí moiḻiu kon gurunea. Táe aka murí tatua bo nopaḷutdon nobalajar, yo sia in motongkaidon in gurunea.

TESALONIKA 1 2:15

Intaubí mita tatua inta noḻimod kon i Tuhan Yesus bo nabi mita bo inta nomogutú doman kon i nami. Mosia in mosaturu kon bayongan intau, bo beresibí diá mosanang in gina i Allah kon i monia.

YOHANES 10:31

Bo intau mita in Yahudi nogamá kon batu sin pogandur kon i Yesus.

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

SAMUEL 1 8:7

bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

MARKUS 10:39

Dá kai nayadua doman, “Mokosanggup”. Dá ki Yesus in noguman bui kon i monia, “Memang moiko i monginumbí nongkon palo in roriga inta inumon-Ku, bo tumuotbí doman kon roriga inta moiantug kon i-Nakó.