YOHANES 15:10 - Alkitab Singog In Mongondow Masa In Tanaa

¹⁰ Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

YOHANES 15:10 Referans Kwoze

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

YOHANES 1 2:5

Táe intau inta umuran dinumudui kon parenta mita i Allah, yo tabi in intau tatua kon i Allah nosompurnadon. Tua in nobaḻí tanda kon kita in nobiagdon notobatú takin i Allah.

PETRUS 2 2:21

Maníka intau mita natua in diádon kon dodai in onda in nonotaau kon onu inta noitutui inta sinundú i Tuhan dika in nonotaaudon táe doíbí dinumudui kon parenta-Nea mita inta ain pinotaau kon i monia.

YOHANES 8:29

Bo Sia inta nopotabá kon i-Nakó koyota-yotakin-Kubí, diábí dodai onda in pinomayá-Nea mako in Akuoi tontaní, sin Akuoi in umuranbí mogaid kon onu inta mokosanang kon gina-Nea.”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

YOHANES 14:31

Tongá tua mita musti mobaḻí bá kotaauan in dunia naa kon Akuoi in motabibí kon i Amá bo mogaid doman kon bayongan inta pinarenta i Amá kon i-Nakó. Yo, koḻigai mayádon in kita nongkon naa.”

YOHANES 12:49

Sin Akuoi in mosingog deemanbí podudui in ibog-Ku tontaní; Táe ibogbí i Amá inta nopotabá kon i-Nakó. Siabí tua in nomarenta kon i-Nakó kon onu i musti singogon-Ku bo potaau-Ku.

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

YESAYA 50:5

Ki Tuhan in nobogoi kon inakó in pomomangaḻe; akuoi in diábí nomarontak andeka nonoḻikud kon i-Nia.

YOHANES 8:55

bokaka diá nokanal monimu in Sia. Aka Akuoi in moguman kon diá kinotaauan-Ku in Sia, dá mouboḷ in Akuoi ná moiko. Kinotaauan-Kubí in Sia bo Akuoi in dinumuduibí kon singog-Nea.

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 1 2:6

Ki ine i moguman kon sia in nobiag notobatú takin i Allah, yo sia musti mobiag takin dumudui kon kobobiag i Kristus.

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

SAMUEL 2 22:22

Akuoi in dinumudui kon parenta i Tuhan, bo diá nomaḷong nongkon i Allahku.

DATU MITA 2 18:6

bo mosatia kon i-Nia. Diábí kon dodai in onda in sia moḷawang kon i Tuhan. Bayongan in parenta i Tuhan inta inogoi pinongin i Musa, totu-totuubí kon dinuduian i Hizkia.