YOHANES 14:5 - Alkitab Singog In Mongondow Masa In Tanaa

⁵ Bo ki Tomas in noguman kon i Yesus, “Tuhan, diá kotaauan nami mongo kon onda in bayáan i Tuhan, yo naondabí in kotaauan nami in daḷannea?”

YOHANES 14:5 Referans Kwoze

YOHANES 11:16

Ki Tomas inta dinonoi “ki Apang” noguman kon yobayatnea mita inta murí mita i Yesus, “Koḻigai dumudui in kita, biar kita matoi moyotakin-Nea!”

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

YOHANES 15:12

Naa parenta-Ku: Positabianbí in moiko, ná doman Akuoi in notabi kon i monimu.

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

MATIUS 10:3

Ki Pilipus bo ki Bartolomeus, ki Tomas bo ki Matius inta mononagi kon pajak, ki Yakobus ki adí i Alpeus, ki Tadeus;

YOHANES 14:4

Kon onda in bayáan-Ku, yo kotaauan monimu in daḷannea.”

YOHANES 16:5

Táe tanaa Akuoi in mayádon kon i-Nia inta ain nopotabá mangoi kon i-Nakó; bo diá tobatúmai intau kon sigad monimu in moḻibó kon onda in bayáan-Ku.