YOHANES 12:46 - Alkitab Singog In Mongondow Masa In Tanaa

⁴⁶ Akuoi in namangoi in dunia naa saḷaku bayag, sinbá bayongan intau inta mopirisaya kon i-Nakó diá mogutun kon bonu in sindip.

YOHANES 12:46 Referans Kwoze

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

YOHANES 9:5

Kon dodai in Akuoi kon duniapa naa, Akuoibí naa in bayag in dunia.”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

YESAYA 42:7

Sin mobuká kon mata in intau bilog, bo mopoḷuat kon intau nongkon sindip in ponjara.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

YOHANES 1:9

Bayag totokanea inta monimbayag kon bayongan in intau, mamangoi in dunia.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

YESAYA 42:15

Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

YESAYA 40:1

Nanaa in tosingogon i Allahmu, “Ḻipoidon, ḻipoidon in bangusa-Ku!