YOHANES 12:25 - Alkitab Singog In Mongondow Masa In Tanaa

²⁵ Intau inta motabi kon kobiagannea, yo kobuḻian sia in kobiagannea tatua. Táe intau inta diá motabi kon kobiagannea kon dunia naa, yo sia tua in moḷukadbí kon kobiagannea inta mononoi.

YOHANES 12:25 Referans Kwoze

MATIUS 10:39

Bo ki ine in moramuji mobiag yo sia in matoi, táe ki ine in matoi sin dinumudui kon i-Nakó, yo sia in mosaḷamat.”

LUKAS 17:33

Intau inta moramuji totok moposaḷamat in nyawanea, yo sia in kobuḻian in nyawanea, táe intau inta kobuḻian in nyawanea sin dinumudui kon i-Nakó, sia in mosaḷamatbí.

MARKUS 8:35

Sin intau inta moibog moposaḷamat in kobiagannea, kobuḻianbí in kobiagannea. Táe intau inta moposarakan kobiagannea sin kopontingan-Ku bo kopontingan in Habar Mopia inta nongkon i Allah, yo tuabí in mokosaḷamat kon inia.

MATIUS 16:25

Sin ki ine in moibog moposaḷamat in kobiagannea, yo sia in matoi. Táe ki ine in matoi popisí in dumudui kon i-Nakó, yo sia in mosaḷamatbí.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.