YOHANES 12:24 - Alkitab Singog In Mongondow Masa In Tanaa

²⁴ Naadon in poguman-Ku kon i monimu: Aka batoḷ in gandum diá ḷobongon kon butá bo matoi, yo sia in tongábí umuran tougat. Táe aka batoḷ in gandum tatua matoi, bain tuata bo sia in mopomungai in gandum mobayong.

YOHANES 12:24 Referans Kwoze

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

SURAT I PAULUS KON JAMAAT RUM 14:9

Ki Kristus ain minatoi, táe buidon nobiag. Manangka intua sia in nobaḻídon Tuhan kon intau mita inta nobiag bo kon intau mita doman inta ain minatoi.

AYUB 14:8

Umpaka kon bonu in butá uakatnea moampod, bo tuodnea in moḷaḷow sin nobongkog,

YESAYA 28:28

Kon dodai in moḻintog kon gandum, diábí tantú bobakannea modapot in morimumud. Diábí! Kinotaauanneabí in poḷoḻintog moitutui inta poḷat tumakoi kon roda kon tudunea tongá diábí morimumud kon batoḷ mita in gandum tatua.