YOHANES 10:34 - Alkitab Singog In Mongondow Masa In Tanaa

³⁴ Bo ki Yesus in notubag, “Degá diábí kinotaauan monimu kon pinais bidon kon bonu in Buk Hukum in agamamu nanaa: ‘Ki Allah in nogumandon, moiko in ilahbí?’

YOHANES 10:34 Referans Kwoze

IḶUAIAN 7:1

Ki Tuhan noguman kon i Musa, “Akuoi in mopobaḻí kon inimu naonda bo ki Allah kon tayowon i datu, bo ki utatmu ki Harun in mosingog kon inia mobaḻí nabimu.

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

IḶUAIAN 4:16

Sia in mustibí mosingog podoyon kon tangoimu kon tayowon in umat. Sia in mobaḻí tondoḷ in bibigmu bo iko inanggapnea naonda bo ki Allah inta moguman kon onu inta musti singogonnea.

MAZMUR 138:1

Nongkon i Daud. O Tuhan, akuoi in moibog mopoyaput in sukur kon ini-Mu, takin ḻimbatú in ginaku. Kon tayowon in bayongan dewa podondongku in dayow kon ini-Mu.

IḶUAIAN 22:28

Dika mogodi-godimai kon i Allah bo kon itoi in bangusamu.

YOHANES 8:17

Kon bonu in Hukum i Musa pinais nanaa: Kosakusian inta mobanar in nongkon kosakusianbí in intau doyowa.

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”

KORINTUS 1 14:21

Sin kon bonu in Buk Motusi in pinais nanaa, “Ki Tuhan in nosingog, ‘Pinongin intau mita ibanea inta bahasanea tolaeng, Akuoi in mosingog kon umat tanaa. Bo pongin bibig in intau mita inta mokokiangoi, Akuoi in mosingog kon umat-Ku; tongá mosia in doí mokidongog kon singog-Ku.’ ”

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.