YOHANES 10:26 - Alkitab Singog In Mongondow Masa In Tanaa

²⁶ Moiko in diá mopirisaya sin moiko in diá noituot kon paanan in domba-Ku mita.

YOHANES 10:26 Referans Kwoze

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 1 4:6

Táe kita naa in ki adíbí mita i Allah; bo intau mita inta nonotaau kon i Allah in mokidongogbí kon singog naton. Táe intau inta deeman kapunyaan i Allah, diábí mokidongog kon singog naton. Natua in caranea kita monotaau kon yoposi in Roho inta motundú kon mobanar, bo roho inta motundú kon diá totuu.

YOHANES 10:4

Bo naonda in kon ḷuaidon in domba mita tatua, gombala tatua in mayá umuna kon i monia, bo dombanea mita in dumuduianmai.

YOHANES 6:65

Bo ki Yesus in bui noguman, “Tuamai Akuoi in mopotaaudon kon inimu, diábí tobatúmai in intau in motaau mamangoi kon i-Nakó, aka diá kinoibog i Amá.”

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.