YOHANES 10:17 - Alkitab Singog In Mongondow Masa In Tanaa

¹⁷ Ki Amá in motabi kon i-Nakó sin Akuoi moposarakan in nyawa-Ku, sinbá tua buion-Ku tarimaan.

YOHANES 10:17 Referans Kwoze

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YOHANES 3:25

Tongá tongonumai in murí i Yohanes nomangkoidon mobobayowan takin intau mita in Yahudi soaḷ atorang pondaritan.

YESAYA 42:21

Ki Tuhan in moibog moposaḷamat; Ibogon-Nea hukum-Nea in horomaton bo untuon.

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”