YOHANES 1:6 - Alkitab Singog In Mongondow Masa In Tanaa

⁶ Namangoidon in tobatú intau inta pinotabá i Allah, ki Yohanes in tangoinea.

YOHANES 1:6 Referans Kwoze

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

YOHANES 3:28

Dinongog bidon monimu tontaní in singogku, ‘Kon akuoi naa in deemanbí Datu Mopoposaḷamat. Akuoi in tongábí pinotabá umuna kon i-Nia.’

YOHANES 1:33

Tungkuḷ intua diápabí kinotaauanku mongo ki ine in Sia. Táe ki Allah inta nopotabá kon inakó mopobaptis in tubig nogumandon kon inakó nanaa, ‘Aka mokoontong in iko kon Roho i Allah moponag bo mogutun kon intau tobatú, yo intaubí tatuata inta mopobaptis in Roho i Allah.’

OUMAN IN RASUL MITA 13:24

Wakutu in ki Yesus diápa nomangkoi kon oaidan-Nea, pinobaḷúdon muna i Yohanes kon bayongan intau Israel kon musti mogogaidon in mogaid kon dosa mita monia bo baptisondon.

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

MATIUS 11:10

Sin sia tua inta ain pinais kon bonu in Buk Motusi nanaa: Indoiai, Akuoi ain nopotabá mangoi kon totabá-Ku umuna kon ini-Mu, sinbá sia in momontang kon daḷan bayáan-Mu.”

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

MATIUS 21:25

Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’