YOHANES 1:14 - Alkitab Singog In Mongondow Masa In Tanaa

¹⁴ Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 1:14 Referans Kwoze

YOHANES 1 4:9

Aid i Allah noponiata kon Sia in motabi kon i naton, yo Sia in nopotabá kon i Adí-Nea tuḷong namangoi in dunia naa, sinbá kita in mokouḻí kon kobiagan nongkon i-Nia.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

YOHANES 1:1

Nongkon pinomangkoianpamai, wakutu in dunia naa diápa pinomia, Pirman i Allah tatua in koyongan bidon oyúon. Pirman i Allah tatua in koyotaki-takin i Allah, bo Sia-Siakabí in ki Allah.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

KOLOSE 1:19

Ibogbí i Allah tontaní in mopooyúon kon bayongan in yagi-yagi kon i-Nia, bo bayongan tua oyúon domandon kon i Adí-Nea.

KORINTUS 1 15:47

Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

YOHANES 1 4:14

Kami tontaní ain nokoontong kon i Adí i Allah, bo kami in nopohabar kon Sia in pinotabá mangoi i Amá sin mobaḻí Datu Mopoposaḷamat in dunia naa.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

YOHANES 2 1:7

Tanaa mako in nobayongdon kon dunia naa in intau inta motundú kon diá totuu. Mosia tua in intau inta diá mopirisaya kon ki Yesus Kristus namangoidon in dunia naa saḷaku intau. Intau natua i mongouboḷ, bo saturu i Kristus.

YESAYA 53:2

Ki Tuhan in moibog kon bobantung-Nea tua in naonda bo tokat inta nobiag kon butá inta diádon notoḷubú. Diábí in mogaga in kon inia in indoian naton; diábí in mokoangá inta koibog naton.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

IBRANI 5:5

Bo natua doman in ki Kristus. Diábí in Sia inumaḻi tontaní Imang Moḷoben. Ki Allahbí in nopobaḻí kon i-Nia sin nanaa in singog i Allah kon i-Nia, “Iko nion in ki Adí-Ku; Singgai doman naa Akuoi in mobaḻí ki Amá-Mu.”

IBRANI 10:5

Tuamai naonda in ki Kristus namangoi in dunia naa, Sia in noguman kon i Allah nanaa: “Iko in doí bidon in kuruban bo sosumba; táe sinadia-Mudon in awak kon i-Nakó.

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

IBRANI 1:5

Sin diábí kon dodai in onda ki Allah in noguman kon tobatúmai in malaekat, “Iko in ki Adí-Ku, singgai naa Akuoi in nobaḻí ki Amá-Mu.” Bo diábí doman kon dodai in onda ki Allah in noguman kon malaekat mita nanaa: “Akuoi in mobaḻí ki Amá-Nea, bo Sia in mobaḻí ki Adí-Ku.”

YOHANES 14:9

Táe ki Yesus in noguman kon inia, “Noonggotdon in Akuoi noyotakinmai monimu, bo diápa doman kinotaauan-Mu in Akuoi Pilipus? Intau inta ain nokoontong kon i-Nakó, yo sia tua in nokoontong domandon kon i Amá. Yo nongonu sin iko in mogumanpabí, ‘Poontongdon in ki Amá kon inami’?

LUKAS 9:32

Wakutu intua ki Petrus takin yobayatnea mita nosiug, táe naonda in mosia noibangon inontong monia in sindar motarang nonimbayag kon i Yesus bo intau doyowa sinimindog kon diug-Nea.

YOHANES 17:22

Mosia inogoian-Kudon in kamuliaan inta inogoi i Amá kon i-Nakó, sinbá mosia in motobatúdon naonda bo Kita ain notobatú.

YOHANES 3:18

Intau inta mopirisaya kon i-Nia in diábí hukumon. Táe intau inta diá mopirisaya in hukumondon i Allah, sin diá mopirisaya kon i Adí-Nea inta tuḷong.

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

IBRANI 2:11

Ki Yesus in nondarit kon bayongan in dosa intau; siabí tontaní in nondarit. Mosia inta dinaritandon tua in nogaḷumdon kon Amá inta totobatú. Tuamai in ki Yesus diá mooyá in mongaku kon i monia saḷaku ki utat-Nea mita.

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

LUKAS 2:7

Sia nopolahir in adí ḷoḷaki, ki adínea guya-guyang. Adí tatua binakutnea in yumbit in daing bodongka pinouḻid kon bonu in duḷang sin mosia in diá nokouḻí kon baḷoi pinongandupan.

OUMAN IN RASUL MITA 13:33

aindon sinotuu-Nea kon i naton takin daḷan nomiag bui kon i Yesus nongkon kinopatoian-Nea, ná inta ain pinais kon buk in Mazmur induanea, nanaa, ‘Ikobí nion in ki Adí-Ku, singgaipa doman naa Akuoi in mobaḻí ki Amá-Mu.’

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

YOHANES 8:32

dá kotaauandon monimu in ki Allah inta mobanar tua, bo popisí intua dá moiko in poḷuatondon.”

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

WAHYU 19:13

Jubah inta pinaké-Nea ain pinoḷodok kon dugú. Bo Sia in Sinangoi “Pirman i Allah”.