YESAYA 9:12 - Alkitab Singog In Mongondow Masa In Tanaa

¹² Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YESAYA 9:12 Referans Kwoze

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

TAWARIKH 2 28:18

Kon tungkuḷ intua intau mita in Pilistin koyogot in monubu kon kotá mita kon butá mita inta kon sipangkoion in buḷud kon dotá in toyopan, bo kon butá mita inta kon dotá in toḷatan in Yohuda. Mosia in nogagow kon kotá in Bet-Semes, Ayalon, bo Gederot, takin kotá in Sokho, in Timna, bo Gomzo noitakin doman in ḻipú mita kon diugmai in kotá toḷu tatua, bo nogutundon notantú kon tua.

MAZMUR 79:7

Sin mosia in noyopúdon kon umat-Mu, bo norimumud kon pogogutunan monia.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

YEREMIA 35:11

Táe naonda in ki Datu Nebukadnezar nonubu kon butá tanaa, kami in nonantúdon kon moḷagui nongkon tontara in Babel bo tontara in Siria, bo noḷagui minayá in Yerusalem. Tuamai in nogutun kon naa in kami.”

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YEHEZKIEL 6:14

Tonggóon-Ku in ḻima-Ku bo morimumud kon butá monia, dá mobaḻídon moingongow, pinangkoi kon Gurun Toḷatan modapot kon kotá in Ribla kon utuan. Nongkon tampat mita inta inutunan in intau in Israel, diábí tobatúmai in posaḷamaton. Dá kotaauandon in bayongan in intau kon Akuoibí in Tuhan.”

YEHEZKIEL 16:27

Tanaa in Akuoi mohukumdon kon inimu bo mogamá kon barakat inta ain inogoi-Ku kon inimu. Ogoi-Kudon in iko kon intau mita in Pilistin inta doí kon inimu bo inta mobú in mokoontong kon dodiamu inta mokotor tua.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YEREMIA 15:7

Kon batúan in kotá kon butá tanaa moiko in ḷumbúon-Ku naonda bo wawa. Umpakabí moiko in umat-Ku táe yopúon-Kubí in moiko takin ki adímu mita popisí in moiko doí momaḷui kon gogutúmu.

HOSEA 7:10

Koḷoḷoḷatú in bangusa in Israel koontongandon totok bo nobaḻí tomponuot kon taḷá monia. Umpaka tua komintan ain nobaḻí, mosia in diábí doman notayak kon i-Nakó andeka mobui mangoi kon i-Nakó, ki Tuhan Allah monia.

AMOS 4:6

Akuoibí inta nopouma in bodito malarat in gogoy kon sinangkub in kotámu, táe moiko in diábí nobui mangoi kon i-Nakó.

AMOS 4:8

Kon tongonumai in kotá, intaunea mita inta noḷungkoyódon popisí in morogang, motayak kon tubig kon kotá ibanea, táe tubig kon tua in diá tugat. Umpaka natua, moiko in diábí doman nobui mangoi kon i-Nakó.

AMOS 4:9

Akuoi in nopoirup mangoi in tompot mopatú bo mopoangoi in mahaḷuk inta momoguyaat kon pinomuḷa mita takin gobá mita in anggurmu. Pangkoi mita in ara, bo pangkoi mita in zaitunmu ain nodait kinaan in pangkoḷá. Umpaka natuadon táe diápa doman in moiko nobui mangoi kon i-Nakó.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

ZEPANYA 3:2

Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!