YESAYA 8:11 - Alkitab Singog In Mongondow Masa In Tanaa

¹¹ Akuoi in kinawasa i Tuhan bo inogoian in tompoingat sinbá dika dumudui kon daḷan inta binayáan in bangusa tatua. Guman-Nea,

YESAYA 8:11 Referans Kwoze

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

OUMAN IN RASUL MITA 4:20

Sin diábí motaau in kami in mogogai mopotaau kon onu inta ain inontong bo dinongog nami tontaní.”

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

YEREMIA 20:7

Tuhan, Iko in nodondouḷug kon inakó bo akuoi in kinodondouḷugandon. Iko in moropo-ropot in akuoi bo nopokuyungdon kon inakó. Akuoi in irupa-rupamai in bayongan intau, siningkuḻe nongkon doḷo-doḷom dapot in ḷoḷabungnea.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

AMSAL 1:15

Dikabí dumudui kon intau mita natua, adíku! Pokoyayúdon kon i monia.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.