YESAYA 7:6 - Alkitab Singog In Mongondow Masa In Tanaa

⁶ Mosia in moibog monubu kon Yohuda bo nopogogondok kon intau inta nogutun kon tua sinbá dumotá kon i monia, bo noduí kon i adí ḷoḷaki i Tabeel nobaḻí datu.

YESAYA 7:6 Referans Kwoze

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YESAYA 7:5

Siria in ain noyopopog in Israel bo datunea.

YESAYA 7:7

Táe Akuoi ki Tuhan, moguman kon tua in diábí mobaḻí,

DATU MITA IMITÁNEA 12:16

Naonda inontongmai in rayat kon ki datu in doíbí mokidongog kon i monia, nomaḷú in mosia, “Dikadon mopandungmai kon i Daud bo buínea! Mosia in diábí kon dodai in onda in nogaid kon onu bo onu kon inaton. Rayat in Israel, koḻigai mobuidon in kita! Pomayádon mako in ki Rehabeam tua in moindoi kon awaknea tontaní!” Dá nobuidon in rayat in Israel,

DATU MITA 2 11:2

Ki Yoas adí i Ahazia in gogió bo kinoḻimodan doman pinoyotakin in adí mita ḷoḷaki ibanea i datu, táe nokoḷagui in sia sin pinoḷagui i Yoseba pokuináanea. Ki Yoas takin moḷoḷukadnea in dinia bo binuni kon bonu in gopot tobatú kon Baḷoi Tuhan.

TAWARIKH 2 13:8

Tanaa in kai monimu kamai mokoḷawangbí kon kawasa inta inogoi i Tuhan kon buí i Daud, popisí in mobarong totok in tontaramu bo oyúon in sapi buḷawan kon i monimu inta binaḻí i Yerobeam dewamu.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 28:5

Popisí in ki Datu Ahas binaradosa, dá ki Tuhan Allahnea nopomayádon kon inia sinaḷow i datu in Siria inta nogakut doman kon nobayong totok in intau in Yohuda nobaḻí intau inta dinakop pinobayá in Damsyik. Pinomayá doman mako i Tuhan in sia sinaḷow i Datu Pekah ki adí i Remalya nongkon Israel, inta kon bonu in tosinggai noḻimod kon 120.000 in tontara in Yohuda inta mongobarani. Ki Tuhan, Allah in mogoguyang monia nopomayádon intua komintan nobaḻí, sin rayat in Yohuda diádon nopandungmai kon i Tuhan.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.

MAZMUR 83:3

Indoiaika, musung-Mu norosadiadon, intau mita inta nondoí kon ini-Mu nomarontak.

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.