YESAYA 7:16 - Alkitab Singog In Mongondow Masa In Tanaa

¹⁶ Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

YESAYA 7:16 Referans Kwoze

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

ULANGAN 1:39

Bo ki Tuhan noguman kon i naton komintan, ‘Adí mita monimu inta nongointokpa totok bo diápa motaau mopoyoposi inta mopia bo inta moraat, adí mita inta kain singog, monimu agowon in musungmu mita, kon i monia tuata in pobogoian-Ku kon butá tatua, bo mosia in mogutun kon tua.

YUNUS 4:11

Yo umpaka dá diá moajar in ginaku in moraimai kon Niniwe, kotá inta moḷoben tatua. Sin koḻikud in mahaḷuknea mita inta diádon koiapan tua, kon tua in oyúon doman in noiḻiu kon mogatut bo doyowa nopuḷú noribu in adí inta diápa motaau mopoyoposi kon onu inta mopia bo onu inta moraat.”

HOSEA 5:9

Israel in moyopúbí, sin noiangoidon in wakutunea mohukum kon inia. Indongogai, ei rayat in Israel, tua in notantúbí kon mobaḻí.

YESAYA 9:11

Bangusa in Siria kon dotá pomukaan bo bangusa in Pilistin kon dotá toyopan in nogagow kon Israel. Táe ki Tuhan in sinumorúpabí bo umuranpa mohukum.

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

YESAYA 8:14

Popisí in Akuoi Totok in motusi, Akuoi in nobaḻí batu kopopintudan kon rayat in Yohuda bo Israel, bo poyogaḷap inta modomok kon intau in Yerusalem.

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

HOSEA 5:3

Kinotaauan-Ku in bayongan yagi-yagi soaḷ iko, ei Israel! Diábí in motaau bunionmu kon i-Nakó. Iko in nosumba kon berhala bo diádon motoindudui kon i-Nakó. Tuamai, intaumu mita in diá bidon patus mosumba kon i-Nakó.”