YESAYA 7:14 - Alkitab Singog In Mongondow Masa In Tanaa

¹⁴ Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 7:14 Referans Kwoze

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

LUKAS 1:31

Iko in mobaḻí sidia bo nopolahir in adí ḷoḷaki, bo musti tangoianmu ki Yesus in Sia.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

YESAYA 8:8

Mosia in momuntag kon Yohuda naonda bo ḷunud modapot in sigogow bo monaḷom kon bayongan in yagi-yagi.” Ki Allah in kotaki-takin naton! Koḻikip-Nea inta nobuká moḷukad kon butá naton.

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

SAMUEL 1 4:21

Adí tatua sinangoiannea ki Ikabod, kainia, “Koangoian i Allah Inta Momulia nobuḻidon nongkon Israel.” – Inta imakusudnea tua in Poti Dodandian aindon inagow bo ki nunutonnea takin ki buḷoinea minatoi domandon. Tuamai sia noguman, “Koangoian i Allah Inta Momulia nobuḻidon nongkon Israel, sin Poti Dodandian i Allah inagowdon.”

KINOBAḺIAN 30:8

Guman i Rahel, “Akuoi in totokdon irumopot moḷawang kon i guya-guyangku, bo akuoi in nountung,” tuamai adí tatua sinangoiannea ki Naptali.

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 30:6

Ki Rahel noguman, “Ki Allah ain nobogoi in koadilan kon inakó. Inindogogan-Neadon in sambayangku bo inogoian-Neadon akuoi in adí ḷoḷaki tobatú.” Bo sinangoianneadon in adí tatua ki Dan.

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

KINOBAḺIAN 16:11

Diádon moonggot bo iko in mopononggadí in adí ḷoḷaki tobatú; tangoiaidon in sia ki Ismael, sin dinongogdon i Tuhan in ombaḷmu.

LUKAS 2:12

Yo bá kotaauan monimu, yo naa in tandanea: Moiko in mokodungkuḷ kon adí mointok inta binakut in yumbit in daing bo pinouḻid kon bonu in duḷang.”

YESAYA 38:7

Ki Yesaya in notubag, “Naa in tomponuot inta ogoi i Tuhan kon i Tuang datu kon intompodan-Neabí in dandi-Nea.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YEREMIA 44:29

Akuoi in mopoangoibí in bodito kon inimu kon tampat tanaa sin moponiata kon inimu kon hukuman inta sinomayá-Ku kon i monimu, in totu-totuubí kon mobaḻí.

HAKIM MITA 6:36

Bo ki Gideon noguman kon i Allah, “Tuhan, Iko ain noguman kon akuoi in pakéon-Mu mopoḷuat kon roriga in umat Israel.

DATU MITA IMITÁNEA 13:3

Guman i nabi noiduduimai, “Mezbah tanaa in morumbunbí, bo ḷobud inta kon tudunea in moitabud. Tua in poniataan kon akuoi in pinotabábí i Tuhan.”

MAZMUR 46:8

Ki Tuhan Inta Totok in mokawasa moyotakin naton, ki Allah i Yakub noḷukad kon inaton.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

LUKAS 20:44

Dá aka ki Daud tontaní monangoi kon i-Nia ki Tuangnea, yo naondabí kon Sia tua in tangoionbí buí i Daud?”