YESAYA 64:11 - Alkitab Singog In Mongondow Masa In Tanaa

¹¹ Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

YESAYA 64:11 Referans Kwoze

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

TAWARIKH 2 7:3

Naonda in rayat in Israel nokoontong kon tuḷú namonag nongkon ḷangit bo sindar kinoangoian i Tuhan nomuḻing kon Baḷoi Tuhan, noitungkud in mosia kon taḷog bo nosumba poḷat nodayow kon i Allah, sin mopia in Sia bo tabi-Nea in mononoi.

TAWARIKH 2 6:4

Sia in noguman, “Dungkuḷmai ki Tuhan in nodandidon kon i amáku ki Daud nanaa, ‘Pinangkoipamai kon Akuoi nodia kon umat-Ku iḻumuai kon Mesir noidapot kon singgai naa, kon butá in Israel diábí in tobatúmai in kotá in piniḻí-Ku nobaḻí tampat inta musti poposindogan in baḷoi sin tampat poibadaan kon i-Nakó, bo diábí tobatúmai in piniḻí-Ku sin mobaḻí itoi in umat-Ku Israel. Táe tanaa in piniḻí-Kudon in Yerusalem nobaḻí tampat pooibadaan kon i-Nakó. Bo iko, Daud, piniḻí-Kudon sin momarenta kon umat-Ku.’ Dinayo dayowdon in ki Tuhan Allah in Israel inta ain nogintompod kon dandi-Nea tatua.!”

DATU MITA IMITÁNEA 8:56

“Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea.

DATU MITA IMITÁNEA 8:14

Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

YESAYA 63:18

Nongonu sin pinomayá-Mubí mako in musung moritak magí mako kon Baḷoi-Mu, bo intau mita moporaa-raatmai kon tombuḷud-Mu inta motusi?

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”