YESAYA 61:6 - Alkitab Singog In Mongondow Masa In Tanaa

⁶ Moiko in tangoionbí mogogundoi i Allah bo tangoion imang i Tuhan naton. Moiko in mokaanbí kon kaoyúonan in bangusa mita bo mopia in gina popisí in kapunyaan monia.

YESAYA 61:6 Referans Kwoze

IḶUAIAN 19:6

bo sinondí-Ku kon i-Nakó tontaní, bo moiko in mobantung kon i-Nakó mobaḻí imang mita.”

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

YESAYA 66:21

Tongosilai in kon sigad monia in baḻíon-Ku imang bo intau in Lewi.

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 1 4:1

Anggapbí in kami naa mogogaid mita kon oaidan i Kristus inta motanggung jawab mopotaau in tomayá mita i Allah inta diápa kinotaauan in bayongan intau kon dunia naa.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

KORINTUS 1 3:5

Sabanarnea ki inebí in ki Apolos andeka ki Paulus tua? Bá kotaauan monimu, kami naa in tongábí intau mita inta nogaid kon oaidan i Allah inta mopoyaput in Habar Mopia kon i monimu sinbá mopirisayadon in moiko kon i Kristus. Kami naa in tongábí mopobayá in oaidan inta pinoki aid i Tuhan kon inami.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

YEHEZKIEL 14:11

Tua mita in pomiaan-Ku sinbá intau in Israel dikadon yumayú kon i-Nakó bo dika doman moponajis in awak in dosa. Pongin natua mosia in mobaḻídon umat-Ku, bo Akuoi in mobaḻí Allah monia.” Akuoi, ki Tuhan Inta Totok in moḷantud ain nosingog.

YESAYA 66:12

Sin ki Tuhan in noguman, “Moiko in ogoian-Ku in kobiagan motompia naonda bo ongkag inta moiḻig kaoyúonan in bangusa mita in diaan poangoi kon inimu naonda bo ongkag inta moiḻebe-ḻebet. Moiko in naonda bo adí inta pinoteté bo kokoyo-koyot i inánea, bo iyapumai kon tompunukaneamai.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

WAHYU 1:6

bo baḻíon-Nea tobatú bangusa in imang mita in kita, inta mogaid kon oaidan i Allah, ki Amá-Nea. Ki Yesus Kristus tuata inta momulia bo inta mongawasa modapot in kopaḷutannea. Amin!

YESAYA 56:6

Ki Tuhan in noguman kon intau mita ango-angoi inta ain noituot kon bonu in umat i Tuhan, inta motabi kon i Tuhan bo inta noibada kon i-Nia, inta nohoromat kon singgai in Sabat bo nosatia kon dodandian-Nea,

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

YESAYA 54:3

Iko in modugangbí mooḷad ná koḷanan bo koḷoigi, ḻitúanbí in intaumu mita in butá in bangusa mita bo mogutun kon kotá mita inta tanaa mako noingongow.

YEREMIA 33:18

umuranbí oyúon in imang mita nongkon suku in Lewi inta mogundoi kon i-Nakó bo moposumba in kuruban mahaḷuk, gandum bo sosumba inta pinayong.”