YESAYA 59:8 - Alkitab Singog In Mongondow Masa In Tanaa

⁸ Moiko in diábí moramuji kon kobiagan mopopiaan, bo bayongan in aidmu diá moadil. Daḷanmu in mobelu-belung, bo intau inta dumudui kon daḷan tatua in diábí mosanang.

YESAYA 59:8 Referans Kwoze

SURAT I PAULUS KON JAMAAT RUM 3:17

Diábí kotaauan monia in mobiag motompia,

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YESAYA 48:22

Diábí in kasaḷamatan kon intau moraat,” natuata in guman i Tuhan.

AMSAL 28:18

Intau inta mobiag diá in bogit in mosaḷamatbí. Intau inta mopoḷandó, in moḷabúbí.

AMSAL 3:17

Hikmat mobogoi kon inimu in kobiagan mosanang bo mooyúon.

AMSAL 2:15

Mosia in motombogá bo kobobiag monia in diá moitutui.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

YESAYA 59:9

Bangusa tatua in moguman kon i Allah, “Tanaa in kinotaauandon nami kon nongonu sin Iko in diábí noposaḷamat kon inami nongkon intau mita inta nondorot kon inami. Kami in mogoḷat mako kon bayag, táe tongábí oyúon in sindip.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

AMSAL 21:8

Intau inta kotaḷá, moikaing in daḷannea; intau inta mopia tantú motuḻid in kobobiagnea.

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.