YESAYA 57:8 - Alkitab Singog In Mongondow Masa In Tanaa

⁸ Moiko moposindog in patongmu mita inta nomilang kon ngara in baḷoimu. Moiko ain nonaḷámai kon i-Nakó. Moiko in noḷongkut kon ḷambungmu bo noponik kon tosiugan inta pinooḷad in intau inta sinondananmu sin mosiug takinmu, bo moiko mopoorop in ibogmu.

YESAYA 57:8 Referans Kwoze

YEHEZKIEL 23:41

Bo iḻimitú in mosia kon tudu in tosiugan inta mogaga. Kon tayowonnea oyúon in meja inta pinogoḷudan kon noyagi-yagimai in kaanon, takin dupa doman bo ḷana in zaitun inta ain inogoi-Ku kon i monia.

YEHEZKIEL 16:32

Iko in naonda bo buḷoi bobay inta nomaḻidawan kon i buḷoinea ḷoḷaki bo nonuaḻing takin ḷoḷaki ibanea.

YEHEZKIEL 16:15

Táe noitaḷá in pinododiamu kon koḷoḷunatmu takin kopia in tangoimu. Iko in nosiug takin ki inedon in ḷoḷaki inta moitaḻib.