YESAYA 53:1 - Alkitab Singog In Mongondow Masa In Tanaa

¹ Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

YESAYA 53:1 Referans Kwoze

YOHANES 12:38

Dá nobaḻídon onu inta pinoguman i Nabi Yesaya, nanaa: “Tuhan, ki inebí in mopirisaya kon habar inta pinoyaput nami? Kon i ine in popoontongan in kawasa i Tuhan tatua?”

KORINTUS 1 1:18

Aka kon raian in intau mita inta diá mopirisaya, yo soaḷ kinopatoian i Yesus Kristus kon kayu pinoyotaḻempang tua in diábí totuu. Táe aka kon i naton inta pinosaḷamatdon i Allah, yo habar tatua totokbí in pinirisaya, kon tua in totu-totuubí aid i Allah noponiata kon kawasa-Nea.

YOHANES 1:12

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

LUKAS 18:31

Ki Yesus in nogoiní kon murí-Nea mopuḷú bodoyowá, bo noguman nanaa, “Indongogai! Tanaa mako kita in mopobayádon in Yerusalem, bo bayongan inta ain pinais in nabi mita soaḷ Adí Intau in intompodandon kon tua.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.