YESAYA 5:22 - Alkitab Singog In Mongondow Masa In Tanaa

²² Moboditodon in moiko inta motoyang monginum kon anggur! Moiko in mobarani bo motoyang aka mopoyobauk in oinumon mokoḷoḷangu!

YESAYA 5:22 Referans Kwoze

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

IḶUAIAN 23:8

Dika motarima kon doit inta poguboḻi monia sinbá mountung in sia kon pelekara, sin doit tatua in mokopopisí kon mata intau mosindipdon moindoi kon onu in totuu bo mokorugidon kon intau mita inta diá kotaḷá.

AMSAL 20:1

Oinumon mokoḷoḷangu mokopopisí kon intau mobaḻí ná diá dinidik bo modowawá. Bodokdon in intau inta monginum dapot in moḷoḷangu.

AMSAL 23:29

Kotaauanmu degá mongo onu in mobaḻí kon intau inta monginum kon anggur mobarong, bo inta mokakit in monginum kon inta mokoḷoḷangu? Intau tatua in mobogá bo mororiga. Sia in umuran mobobayowan bo mogamui. Matanea in mopura bo awaknea in kekeban, bokaka tua komintan in motaaubí taḷaannea.

AMSAL 31:4

Toropdon, Lemuel! Monginum kon anggur bo tantúdon moibog monginum kon inta mokoḷoḷangu, diábí patus kon pongawasa.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 24:9

Diádon in monginum kon anggur sindaḷan modondong, diádon in mokonanam kon kopia in oinumon inta mokoḷoḷangu.

DATU MITA IMITÁNEA 20:16

Pinonubuan in pinangkoi kon dodai in singgai kon tungkuḷ in ki Benhadad bo datu toḷu nopuḷú bo doyowa inta noyopopognea tatua koyogot in nonginum nodapot in nongoḷoḷangudon kon pinononḷoḷaigan monia.

AMSAL 31:5

Sin, aka datu monginum kon oinumon mokoḷoḷangu, yo koḻionganneadon in hukum bo hak in intau moyangkó.