YESAYA 49:3 - Alkitab Singog In Mongondow Masa In Tanaa

³ Guman-Nea kon inakó, “Ikobí in mogogundoi-Ku; Akuoi in poḷantudonbí popisí in iko.”

YESAYA 49:3 Referans Kwoze

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

ZAKHARIA 3:8

Indongogaidon ei Imang Moḷoben Yosua, bo moiko doman imang mita inta nobaḻí yobayatnea mita, moiko komintan in nobaḻí lambang in singgai moiduduimai inta mopia. Kon singgai tatua Akuoi in mopotabá kon bobantung-Ku inta sinangoi ‘Tokat’.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

YOHANES 15:8

Aka moiko momungai modatog, yo ki Amá-Ku in pomuliaan; bo moiko in totu-totuudon mobaḻí murí-Ku mita.

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

YESAYA 43:21

Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.