YESAYA 49:13 - Alkitab Singog In Mongondow Masa In Tanaa

¹³ Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 49:13 Referans Kwoze

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

TAWARIKH 1 16:31

Ei ḷangit bo butá, pokosanangdon! Potaaudon kon bangusa mita kon ki Tuhan tua in datu!

MAZMUR 69:34

Sin ki Tuhan nokidongog kon intau inta nobogá; diábí pinomayá-Nea mako in umat-Nea kon bonu in ponjara.

MAZMUR 71:21

Baḻíon-Mu in akuoi totok in horomaton, bo moḻipoi bui kon inakó.

MAZMUR 148:9

Dayowdon in Sia, ei tombuḷud mita bo bayongan in buḷud, pangkoi in ayop mita bo bayongan in kayuon;

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YESAYA 49:14

Táe intau in Yerusalem noguman, “Ki Tuhan in nonaḷámaidon kon i naton, Ki Tuhan naton ain nokoḻiong kon i naton.”

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEHEZKIEL 35:14

Akuoi ki Tuhan Inta Totok in moḷantud in noguman: Sinangkub in dunia in mosanangbí kon tungkuḷ in sinangkub in butámu baḻíon-Ku rawang inta moingongow,

MAZMUR 65:13

Padang gurun nopuḻing in bembé domba, bayongan in tombuḷudnea mopia in gina.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.