YESAYA 48:14 - Alkitab Singog In Mongondow Masa In Tanaa

¹⁴ Poyosipundon in moiko komintan bo indongogaidon! Kon sigad in dewa mita diábí in nonoḻindap kon intau inta piniḻí-Ku in monubu kon Babel; Sia in mopobayábí kon onu inta koibog-Ku.

YESAYA 48:14 Referans Kwoze

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 41:22

Angoidon, bo toḻindapaidon onu in mobaḻí, sinbá kotaauan nami in kopaḷutannea moiduduimai. Potaaudon in bayongan inta nobaḻí koḻipod, insilangai in mangaḻenea sinbá taridian nami.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YESAYA 44:7

Ki ine in ná Akuoi? Pokipongakuaidon in sia! Pomayádon mako in sia mopotaau bo moponiata kon i-Nakó! Ki ine in nonoḻindapdon kon onu in mobaḻí kon singgai moiduduimai nongkon pinomangkoian nodapot in singgai imbuitnea?

MARKUS 10:21

Dá ki Yesus inimindoi kon intau tatua takin tabi bo noguman nanaa, “Dongkadon tobatú in paraḷumu aidan. Bayádon potaḷui in bayongan kapunyaanmu; bo ogoi kon intau nobogá in boḻinea tatua, dá mokouḻídon iko kon kapunyaan kon soroga. Onda intua angoidon dudui kon i-Nakó.”

YESAYA 13:19

Nongkon bayongan in dodatuan, Babel tua in inta totok in mogaga bo mokoyunggagá kon intaunea mita. Táe Akuoi, ki Tuhan, in morimumudbí kon inia, ná inta inaidan-Ku kon Sodom bo Gomora.

YESAYA 21:9

Indoiaidon, tuata in mosia! Tontara inta sinumakoi kon kabaḷo inta namangoi tumododoyowa. Onda intua moḷoḷukad tatua nopotaau, “Babel ain noḷabú! Patong mita inta sumbaanmai monia norimumud positabud kon butá.”

KINOBAḺIAN 49:1

Noiduduimai kon tua ki Yakub nogoiní kon i adínea mita bo noguman, “Poyosipundon kon naa, kon diugku. Potaaukudon kon i monimu onu in kobayáan monimu kon singgai moiduduimai:

KINOBAḺIAN 49:2

Poyosipundon uḻe in moiko, ei adí mita i Yakub Indongogaidon in ki Israel, ki amá monimu.

YESAYA 45:13

Akuoibí inta noḻiai kon gina i Kores kon mogaid kon makusud-Ku bo moposindog in koadilan. Akuoi in monondodaibí kon bayongan in daḷan inta kotaḻibannea. Sia in buibí moposindog in kotá-Ku Yerusalem bo mopoḷuat in umat-Ku inta dinakop, takin diábí in sogó bo tondannea.” Ki Tuhan Inta Totok in mokawasa ain noguman.

YEREMIA 50:44

Naonda bo singa inta noitukat nongkon kayuon noromon kon diug in Ongkag in Yordan bo namangoi in rawang popokaanan in domba, natuata in Akuoi, ki Tuhan, in mamangoi bo mopobaḻí kon intau in Babel daḻí moḷagui nongkon kotá monia. Bo Akuoi in momiḻí kon itoi tobatú sin momarenta kon bangusa tatua. Ki ine in motaau popotongkaian kon i-Nakó? Ki ine in mokobaḻí mopelekara takin-Ku? Oyúon degá in itoi in mokoḷawang kon i-Nakó?