YESAYA 47:4 - Alkitab Singog In Mongondow Masa In Tanaa

⁴ Ki Allah mokudus in Israel in mopoḷuat kon i naton, tangoi-Nea in ki Tuhan Inta Totok in mokawasa.

YESAYA 47:4 Referans Kwoze

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 43:14

Ki Tuhan in mopoposaḷamatmu, Inta Mokudus Israel, noguman, “Popisí in moiko, Akuoi nopotabá in tontara minayá in Babel, bo dinangatan-Ku in bonoboi mita in ngara mita in ponjara; giow mita in intau in Kasdim binaḷuian-Ku nobaḻí amui.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YEREMIA 31:11

Umat in Israel ain pinosaḷamat-Ku, bo pinoḷuat-Kudon nongkon bangusa inta moropot.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

YESAYA 43:15

Akuoibí in Tuhan, Allahmu Inta Mokudus, Datumu, inta nomaḻí kon inimu, ei Israel!”

YESAYA 51:15

Sin Akuoibí in ki Tuhan Allahmu, inta nopoḻimbok in dagat dá bokoḷnea in motorauk mako. Inta Totok in mokawasa tuata in tangoi-Ku.