YESAYA 47:2 - Alkitab Singog In Mongondow Masa In Tanaa

² Giḻingdon in topong bo batu; bukádon in koḷubungmu, bingkatdon in ḷambungmu modapot in koontongan in bosiotmu, bo ḷoḷanaidon in ongkag mita.

YESAYA 47:2 Referans Kwoze

MATIUS 24:41

Aka doyowa in bobay inta koyogot mogiḻing; yo tobatú in diaan, tobatú in taḷaan.

YESAYA 20:4

Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

HAKIM MITA 16:21

Dá intau mita in Pilistin nodomokdon kon inia bo nonurak kon batoḷ in matanea. Dinia monia in sia minayá in Gaza bo sinogot monia in rante bitú doyowa, bo pinotuot monia kon ponjara. Kon tua pinoki giḻingan monia in sia.

IḶUAIAN 11:5

Bayongan in adí ḷoḷaki guya-guyang kon Mesir in matoi, pinangkoi kon i adí i datu in Mesir modapot kon i adí mita in ata bobay inta nogiḻing kon gandum. Adí doman in bayongan bobiagon inta muna pinononggadí in matoi doman.

LUKAS 17:35

Doyowa in bobay inta koyogot mogiḻing kon gandum, tobatú in diaan, tobatú doman in taḷaan. [

AYUB 31:10

dá pomayádon mako in ki buḷoiku modungú kon kaanon in intau ibanea; bo pomayádon mako in ḷoḷaki ibanea in mosiug takinnea.

MIKHA 1:11

Moiko intau i Sapir, pobuatdon bayá in poḷumbúan takin diá mogiḷambung bo takin oyá! Intau mita in Zaanan in diá mokobaḻí in ḷumuai nongkon kotá monia. Karak in intau in Bet-Haezel in mopoontong kon inimu kon tua in diádon in oḻiungan bui.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

OMBAḶ 5:13

Tayowmobiag mita nami in pinakisa nogaid kon pogogiḻingan, mongoadí mita ḷoḷaki in kinodantugan in kayu inta pinotaan monia nodapot in sinogopuḷong.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 13:26

Akuoi tontaní in momerak kon ḷambung nongkon awakmu sinbá mopilangdon in moiko bo mooyá.

YEREMIA 13:22

Degá moḻibó in moiko nongonu sin tua komintan in moiantugbí kon inimu, nongonu sin ḷambungmu in binerakbí bo moiko in pinakisa siniugan. Pokotaaudon kon tua in nobaḻí popisí in dosamu noiḻiudon in barong.

YESAYA 32:11

Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian.

YESAYA 3:17

Táe Akuoi in mohukumbí kon i monia; uḷu monia in mopuḻingbí in paḻí bo ḷogatan.”

KINOBAḺIAN 24:65

bo noḻibó kon bobantung i Abraham tatua, “Ki ine in ḷoḷaki inta kon gobá tatua inta mopoangoi kon i naton?” “Sia tuata in ki tuangku,” tubag in bobantung tatua. Bo ki Ribka in nogamá kon aḷuangnea bo pinogoḻingoi kon pogotnea.

KORINTUS 1 11:5

Tongá aka bobay bo mosambayang ande mopoyaput in Habar Mopia nongkon i Allah bo diá mogi koḷob in uḷu, yo tua in mangaḻenea diá hargaannea in ki buḷoinea ḷoḷaki inta nobaḻí tongguḷunea. Bobay tatua in naonda bo intau inta nokiḷogatdon.

MOHOHUTUBA 12:4

Rame kon doḷaag diá mosilang in kodongoganmu. Singog in musik bo pogiḻingan gogió bo diádon kodongogan. Diádon in iko mokosiug moḷoḷot. Tontuoḷ in ḷagapan mokopobangon domandon kon inimu.

YESAYA 3:23

ḷambung monipit, ḷambung linen, aḷuang bo koḷubung mobanat.

YEREMIA 25:10

Singog mita monia inta mongoḷunganga bo rame in ponikaan in pogogaion-Kubí. Mosia in diá bidon mokouḻí kon ḷana ponontogáan monia, bo gandum monia in modaitbí.

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.