YESAYA 46:2 - Alkitab Singog In Mongondow Masa In Tanaa

² Patong mita tatua in diábí mokotuḷung kon momotaannea, mosia tontaní in inakut nobaḻí inta dinakop. Tuata in kopaḷutan monia.

YESAYA 46:2 Referans Kwoze

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

SAMUEL 2 5:21

Tontara mita in Pilistin noḷagui poḷatdon diá kinodiaan monia in bayongan patong mita berhala monia. Patong mita tatua in ginamá i Daud bo in intaunea mita.

HAKIM MITA 18:24

Ki Mikha notubag, “Moiko nogamá kon patongku mita bo imangnea, nodapot in diádon koonu bo onu in akuoi, bo moiko in noguman, ‘Onu in nobaḻí!’ ”

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

YESAYA 37:19

Dewa mita monia doman in sinurub bo irimumud sin dewa mita tatua in beresibí diá kokawasa. Mosia in tongábí patong pinomia nongkon kayu bo batu pinomia in intau.

YESAYA 37:12

Kon tungkuḷ in mogoguyangku norimumud kon kotá in Gozan, Haran, Rezep, bo noḻimod kon intau mita in Eden inta nogutun kon Telasar, diá tobatúmai in nongkon dewa mita monia in noposaḷamat kon i monia.

SAMUEL 1 5:3

Naonda in nobangon monik doḷo-doḷom intau mita in Asdod namangoi in kuil tatua, inontong monia in patong i Dagon noumpagdon moitongkob kon butá, kon tayowon in Poti Dodandian i Tuhan! Binuat monia in patong tatua bo inukat bui kon tampatnea.

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

YEREMIA 51:47

Popirisayadon, moiangoibí in wakutunea Akuoi in mohukum kon berhala mita in Babel. Sinangkub in butá tatua in singkuḻeonbí, bo bayongan in intau kon bonunea in ḻimodon.

DANIEL 11:8

Kon tungkuḷ in sia mobui kon Mesir, diaanneabí in patong in dewa in musungnea bo pakakat buḷawan bo saḷaka inta ain pinosumba kon i dewa tatua. Tongonumai notaong noiduduimai kon tua diábí in sia monubu kon i datu in butá in utuan.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”