YESAYA 44:6 - Alkitab Singog In Mongondow Masa In Tanaa

⁶ Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YESAYA 44:6 Referans Kwoze

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 22:13

Akuoibí naa inta muna bo inta pangabisan, Akuoibí in ki Tuhan nongkon pinomangkoian nodapot kon pangabisan.”

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YESAYA 48:12

Ki Tuhan in noguman, “Indongogaidon Israel umat inta inoiní-Ku, Akuoi in umuranbí ki Allahmu. Akuoibí inta muna-munamai, bo Akuoi doman inta imbuitnea.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

YESAYA 42:8

Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

ULANGAN 6:4

Utat mita, toropdon! Tongábí ki Tuhan, bo tongábí ki Tuhan tontaní in Allah naton!

ULANGAN 4:39

Tuamai kosadardon in singgai naa bo dika koḻiongan: ki Tuhan in tongábí Sia tua in ki Allah kon ḷangit bo kon dunia; diábí in ibanea mako.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 37:16

“Tuhan inta Totok in mokawasa, Allah in Israel, inta nogutun kon ḻimonik in kerub, Tongábí iko in Allah inta nongawasa kon bayongan dodatuan kon tudu in butá naa. Ikobí inta nomaḻí kon ḷangit bo butá.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

YESAYA 59:20

Ki Tuhan in noguman kon umat-Nea, “Akuoi in mamangoibí in Yerusalem sin moposaḷamat kon i monimu komintan inta nogogaidon in nogaid kon dosamu mita.

MATIUS 27:37

Bo kon ḻimonik in uḷu-Nea pinopopakuan monia in dopí inta pinaisan in pais inta binaḻí dodoyonan pinohukuman kon i-Nia: “Naadon in ki Yesus Datu intau Yahudi.”

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

YESAYA 41:21

Tuhan, datu in Israel, noguman kon dewa mita, “Pongadudon in pelekaramu, pogumandon in onu kinodoyonannea!

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YEREMIA 10:1

Umat in Israel, indongogaidon in koyow i Tuhan kon inimu.