YESAYA 44:25 - Alkitab Singog In Mongondow Masa In Tanaa

²⁵ Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YESAYA 44:25 Referans Kwoze

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

YEREMIA 50:36

Moyopúdon in nabi mita in Babel! Mosia in mouboḷ bo dondunguḷ. Moyopúdon in tontara in Babel inta mongotorindog! Totokdon in moondok in mosia!

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

DANIEL 4:7

Táe naonda in mononoḻindap, mototaau bo intau mita inta mobayong in sinotaau bo intau mita inta nonotaau in bobayá in tundi namangoi bo inoumanku in togoindopku tatua kon i monia, yo diábí tobatúmai in intau in nokopoguman kon mangaḻenea.

DANIEL 1:20

Pomuḷoi in ki datu mongonguman kon soaḷ inta paraḷuon insilangan bo raion, dá indoianneamai kon tonggina bo tubag inaya opat tua in mopia-pia totok nongkon tonggina bo tubag in bayongan mononoḻindap bo mototaau mita kon bayongan in dodatuannea.

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

TAWARIKH 2 18:34

Táe popisí in parang totokpa in tumagab, ki Datu Ahab umuranpa simindog mako poḷat ginopodan kon bonu in keretanea nonayow kon tontara in Siria. Kon dodai in sinumoyopdon in mata in singgai minatoi in sia.

TAWARIKH 2 18:11

Bayongan in nabi ibanea notobatú bo noguman, “Tubudon in Ramot, taḷowonbí i Tuang datu. Pountungonbí i Tuhan i ki Tuang datu.”

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

IḶUAIAN 9:11

Mososihir mita diá motaau mamangoi kon tayowon i Musa sin bayongan awak monia nopuḻingdon in bituḷ ná inta kon intau mita in Mesir ibanea.

DATU MITA IMITÁNEA 22:37

popisí in minatoidon in ki datu. Bo nobuidon in mosia bo noḷobong kon i Ahab kon Samaria.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.