YESAYA 44:23 - Alkitab Singog In Mongondow Masa In Tanaa

²³ Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 44:23 Referans Kwoze

MAZMUR 69:34

Sin ki Tuhan nokidongog kon intau inta nobogá; diábí pinomayá-Nea mako in umat-Nea kon bonu in ponjara.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YESAYA 49:3

Guman-Nea kon inakó, “Ikobí in mogogundoi-Ku; Akuoi in poḷantudonbí popisí in iko.”

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 12:12

Tuamai, koḷungangadon in gina iko soroga bo bayongan inta nogutun kon bonunea! Táe moboditodon in moiko butá bo dagat, sin Ibilis ain noponag kon i monimu takin sinumorú totok sin kinotaauanneadon kon motoyongdon totok in wakutunea.”

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

YEHEZKIEL 36:8

Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

YEHEZKIEL 36:1

Ki Tuhan in noguman, “Ei intau ilo-ilow, posingogdon kon buḷud mita in Israel bo pokiindongogaidon in mosia mokidongog kon tosingogon i Tuhan Inta Totok in moḷantud,

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

MAZMUR 148:7

Dayowdon in ki Tuhan, ei tombonu in dunia, ei naga mita in dagat bo bayongan in baḷangon;

YEHEZKIEL 39:13

Bayongan in intau kon butá tatua in moduḷubí moḷobong; bo podoyon kon oaidan monia tatua dá mosia in mokouḻídon kon tombuinag kon singgai popountungan-Ku. Akuoi, ki Tuhan Inta Totok in moḷantud ain nosingog.

EPESUS 4:9

Dá aka kai naton “Sia noponik” dá mangaḻenea kon tua munapabí in Sia noponag nodapot kon gantog in butá naa.

TAWARIKH 1 16:31

Ei ḷangit bo butá, pokosanangdon! Potaaudon kon bangusa mita kon ki Tuhan tua in datu!

MAZMUR 65:13

Padang gurun nopuḻing in bembé domba, bayongan in tombuḷudnea mopia in gina.

MAZMUR 148:9

Dayowdon in Sia, ei tombuḷud mita bo bayongan in buḷud, pangkoi in ayop mita bo bayongan in kayuon;

YESAYA 12:5

Podondongdon kon i Tuhan, sin Sia in nomiadon kon nobayong in inta mokoherang. Pomayádon mako in sinangkub in dunia mokodongog kon onu inta inaidan-Nea.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YEREMIA 31:11

Umat in Israel ain pinosaḷamat-Ku, bo pinoḷuat-Kudon nongkon bangusa inta moropot.

YEHEZKIEL 35:14

Akuoi ki Tuhan Inta Totok in moḷantud in noguman: Sinangkub in dunia in mosanangbí kon tungkuḷ in sinangkub in butámu baḻíon-Ku rawang inta moingongow,

IḶUAIAN 18:9

Nokodongogmai kon tua mita, nosanang totok in gina i Yitro

TAWARIKH 1 16:32

Pobokoḷdon ei dagat bo bayongan in tombonunea! Pokoḷungangadon ei bayongan in rawang bo bayongan in pinomuḷanea!

TAWARIKH 1 16:33

Pangkoi mita in kayu kon kayuon in morogiowdon mita sin ki Tuhan in namangoidon sin momarenta kon dunia.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.