YESAYA 44:18 - Alkitab Singog In Mongondow Masa In Tanaa

¹⁸ Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YESAYA 44:18 Referans Kwoze

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

YEREMIA 10:14

Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

OUMAN IN RASUL MITA 14:16

Koḻipod in pinomayápabí mako i Allah in intau mobiag podudui in ibognea tontaní.

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

MAZMUR 92:6

Totuu moḷoben in bayongan inta inaidan-Mu, o Tuhan, totuu moako in raian-Mu mita!

YESAYA 44:9

Intau mita inta nogaid kon patong berhala tua in diábí in mangaḻenea, bo dewa mita inta sinumba monia tua diá in baragunanea. Intau mita inta mosumba kon patong tatua in bilog bo diá nonotaau in onu bo onu, tuamai mosia in mooyábí.

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”

YEREMIA 51:17

Nokoontongmai kon tua komintan nosadardon in intau kon sia in bodok bo diá in pomomangaḻe. Mononontaḷ mita kon buḷawan kinobuḻian in pogot, sin patong berhala inta pinomianea tua in diá totuu bo diá in nyawa.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.