YESAYA 44:15 - Alkitab Singog In Mongondow Masa In Tanaa

^15-17 Tongosilai in pangkoi in kayu tatua pinomia kayu pondungú sin ponayangan bo potubáan kon roti bo pogangagan kon ponoyá, bo mopuasdon in sia. Sia in monayang bo moguman, “O, mopiabí totok bo moanai! Totuu mokosanang in tuḷú tanaa!” Ki agat in kayu tatua in inaidannea patong. Sia in kumudung mosumba bo mosambayang, “Ikobí in ilahku, posaḷamatdon in Akuoi!”

YESAYA 44:15 Referans Kwoze

TAWARIKH 2 25:14

Naonda in nonaḷow kon tontara in Edom, ki Amazia in nodia nobui kon patong mita in berhala in intau in Edom bo inukatnea kon Yohuda. Bo notubá in sia kon dupa kon patong tatua bo nosumba.

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

YESAYA 44:10

Diábí in baragunanea in mogaid kon patong pinomia inta iḷoḷang bo sinumba nobaḻí dewa!

HAKIM MITA 2:19

Tongá aka itoi tatua bo matoidon, dá dodia in bangusa tatua in modugangdon moraat moiḻiudon kon intau mita inta muna nobiag kon i monia. Mosia in mogundoi kon ilah mita ibanea bo mosumba kon ilah mita tatua. Mosia in nobuidon kon oaid mita monia inta moraat bo doí monimbaḷui kon dodia monia.

YESAYA 44:14

Dika-dika bo kayu inta pinakénea in kayu ḷokuyú, pangkoi in eru andeka pangkoi in terpentin inta pinupuḷnea kon kayuon. Degá nomuḷa doman in sia kon pangkoi in salam, bo nogoḷat kon uyan inta mopobiag.

YESAYA 46:6

Intau mobuká kon dompet bo mogundak kon buḷawannea bo monimbang kon saḷakanea momaké in simbangan. Monondan in sia kon mononontaḷ kon buḷawan sin momia kon patong berhala, bo mosumba in sia kon patong inta pinomianea tontaní.

YESAYA 2:8

Kon bayongan tampat oyúon in berhala, bo mosia in mosumba kon patong mita inta pinomia monia tontaní.