YESAYA 44:14 - Alkitab Singog In Mongondow Masa In Tanaa

¹⁴ Dika-dika bo kayu inta pinakénea in kayu ḷokuyú, pangkoi in eru andeka pangkoi in terpentin inta pinupuḷnea kon kayuon. Degá nomuḷa doman in sia kon pangkoi in salam, bo nogoḷat kon uyan inta mopobiag.

YESAYA 44:14 Referans Kwoze

YESAYA 40:20

Intau inta diá mokotaḷui kon buḷawan andeka saḷaka, momiḻí kon kayu inta diá mogampang mogoguyaat. Sia in notayak kon mogogimok inta mopia totok sin mogaid kon patong inta diá mogampang modandú.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YESAYA 44:15

Tongosilai in pangkoi in kayu tatua pinomia kayu pondungú sin ponayangan bo potubáan kon roti bo pogangagan kon ponoyá, bo mopuasdon in sia. Sia in monayang bo moguman, “O, mopiabí totok bo moanai! Totuu mokosanang in tuḷú tanaa!” Ki agat in kayu tatua in inaidannea patong. Sia in kumudung mosumba bo mosambayang, “Ikobí in ilahku, posaḷamatdon in Akuoi!”