YESAYA 44:12 - Alkitab Singog In Mongondow Masa In Tanaa

¹² Mononontaḷ in mogamá kon logam topongkó bo tubáannea dongka tontaḷon in bobibil. Tua in inaidannea takin bayongan in ropot kon inia. Koyogot in mogaid, gogoyon in sia, morogang bo moḷopí.

YESAYA 44:12 Referans Kwoze

YESAYA 40:19

Sia in deemanbí ná patong mita inta pinomia in mongongurig, patong inta inoḻitan in buḷawan bo pinoḻitú kon saḷaka.

HABAKUK 2:13

Bangusa mita inta pinotungkudmu yumoyiga totok táe diá in mangaḻenea, bo bayongan inta posindogon monia nodait kinaan in tuḷú. Tua komintan in noidoyonbí kon ibog i Tuhan Inta Totok in mokawasa.

IḶUAIAN 32:8

Mosia ain sinumabat kon parenta-Ku mita. Mosia nomiadon kon patong sapi nongkon buḷawan, bo sinumba monia poḷat inogoian monia in kuruban. Mosia ain noguman kon tuata in ilah monia inta nodia kon i monia iḷumuai nongkon Mesir.

IḶUAIAN 32:4

Ginamá i Harun in nganti-nganting mita tatua, bodongka sinubánea nodapot in noḷoḷang bo binonunea kon pastaka tobatú bo pinomia patong sapi tobatú. Intau mita tatua noguman, “Ei Israel, naadon in ilah naton inta nodia kon i naton iḻumuai nongkon Mesir!”

ULANGAN 4:28

Kon tua moiko in mogundoi kon ilah mita inta pinomia in intau, ilah mita inta nongkon kayu bo batu inta diá mokoontong bo diá mokodongog, diá motaau mongaan ande diá mokobó.

YESAYA 40:20

Intau inta diá mokotaḷui kon buḷawan andeka saḷaka, momiḻí kon kayu inta diá mogampang mogoguyaat. Sia in notayak kon mogogimok inta mopia totok sin mogaid kon patong inta diá mogampang modandú.

HABAKUK 2:18

Kinutukdon in iko! Iko in noguman kon kayu topongkó, “Pobangondon!” andeka kon batu moḷoben tobatú, “Sindogdon!” Degá patong tobatú motaau moguman kon inimu? Umpakabí patong tatua inoḻitan in buḷawan andeka saḷaka, táe diábí in nyawa kon inia. Onubí in mangaḻenea in patong berhala? Tua in tongábí mia in intau. Inta mouḻímu kon inia in tongábí komintan uboḷ. Diábí in mangaḻe in pirisaya in mogogaid kon berhala kon onu inta pinomianea tatua, inta diá motaau mosingog tua.

ZAKHARIA 1:20

Bo ki Tuhan in nopoontong kon inakó in opat in intau mononontaḷ inta nodia kon popangkuḷ.