YESAYA 43:21 - Alkitab Singog In Mongondow Masa In Tanaa

²¹ Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

YESAYA 43:21 Referans Kwoze

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

MAZMUR 102:18

Sia in mokidongogbí kon sambayang in umat-Nea kon bonu in roriga, bo diábí mondoí kon oigum monia.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

KOLOSE 1:16

Sin pinongin i-Nia tua ki Allah in nomia kon bayongan in yagi-yagi kon soroga bo kon dunia naa, inta koontongan bo inta diá koontongan, noitakin doman in bayongan roho inta nongawasa bo inta nomarenta. Bayongan inta kon ḷangit bo inta kon butá pinomia pinongin i Kristus bo untuk doman kon i Kristus.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

YESAYA 50:7

Sin ki Tuhan Allah in notuḷung kon inakó, dá akuoi in diá pinokopo oyámai. Akuoi in noginrigon kon ginaku sinbá mokoigon; kinotaauanku kon akuoi in diábí pokopooyáanmai.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

MAZMUR 4:3

Ei intau mita, dapotpa in toonu moiko in mopoompámai kon i Allahku? Modapot in toonu moiko motabi kon inta diá in mangaḻenea bo momatuk kon inta diá totuu?

AMSAL 16:4

Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

YESAYA 42:12

Yo mosia in mohoromatdon kon i Tuhan, bo mopotaaudon in tangoi-Nea kon ḻipú mita moyayú.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YEREMIA 13:11

Naonda bo bintoḷ nopoḷok noitogot nopia kon ogotan in intau inta nomaké, natuata in makusud-Ku sinbá umat in Israel bo Yohuda moyotogot modagin kon i-Nakó. Pongin natua mosia in mobaḻí umat-Ku inta nomaḻí kon tangoi-Ku in dinayow bo horomaton. Táe, mosia in doíbí dinumudui kon i-Nakó.”

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

MAZMUR 102:19

Paisdon in bayongan inta inaidan i Tuhan kon intau mita inta moiduduimai, sinbá bangusa inta diápa pinononggadí motaaudon modayow kon i-Nia.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”