YESAYA 43:13 - Alkitab Singog In Mongondow Masa In Tanaa

¹³ modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

YESAYA 43:13 Referans Kwoze

YESAYA 14:27

Ki Tuhan Inta Totok in mokawasa ain nonantú kon mogaid kon natua. Sia in nopoyopadon in ḻima-Nea sin mohukum, bo diábí tobatúmai in intau mokoḷamboi kon i-Nia.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

MAZMUR 93:2

Pomomarentaan-Mu in noroton nongkon pinomangkoianmai, nongkon kinononoian oyúon in Iko.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

HABAKUK 1:12

Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

AMSAL 8:23

Akuoi naa in pinomia muna-munamai, nongkon pinomangkoian, kon dodai in dunia diápa binaḻí.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

ULANGAN 28:31

Sapimu in ratáanbi kon tayowonmu, táe moiko in diábí moikaan kon tapúnea. Keledaimu mita in tokougutondon mayá bo tongádon indoian mako monimu bo diá bidon pobuion. Dombamu mita in ogoi kon musungmu mita bo diábí in motuḷung.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

PINOGIAPAN 23:20

Akuoi in pinotabá momarakat; bo aka ki Allah in momarakat, yo diábí in motaau indoianku bui.

YESAYA 46:4

Akuoi in umuranbí ki Allahmu modapot in moiko mogoguyang; bo umuran moḷukad kon i monimu modapot in moiko ubanan. Akuoi in nopobaḻí kon i monimu bo umuran moḷukad, Akuoi in motuḷungbí bo moposaḷamat kon i monimu.

YESAYA 47:15

Tuata in mangaḻenea in mononoḻindap kon inimu inta mokopororigamai kon inimu nongkon mointokanpamai; kon batúannea mayá monaḷámai kon inimu; diábí in mamangoi motuḷung kon inimu.”

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

YOSUA 2:2

Kinodongogandon i datu in Yerikho kon doḷom tua oyúon intau in Israel inta namangoi monaridi kon butá in Yerikho.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

MAZMUR 102:28

Táe Iko in diábí mobaḷu-baḷui, kobiagan-Mu in diábí in imbuitnea.